ضحكة اليوم

موضوع: ضحكة اليوم الإثنين 31 مارس 2008, 9:05 pm

السلام عليكم
طبعًا يا جماعة يمكن كلنا فينا اللى مكفينا من هموم و بندوّر على أى حاجة تخلينا نبتسم و من هذا المنطلق بقترح عليكم فكرة و هى ان فى الموضوع ده كل واحد يجيب لنا نكتة و يمشى الموضوع بشكل دورى زى موضوع (هل تعلم أن) اللى فى منتدى العلوم ده ...... إيه رأيكم؟
بس يا ريت النكت ماتكونش متعارضة مع قوانين المنتدى ... يعنى ماتكونش تريقة على شخص بعينه أو فيها إهانة لحد أو كده يعنى ........ وانا هبتدى

مرة 3 صعايدة فى محطة القطر 2 ركبوا و التالت فضل واقف يضحك فواحد سأله (بتضحك على إيه؟) فقال له (أصلهم جايين يوصلونى)

موضوع: رد: ضحكة اليوم الإثنين 31 مارس 2008, 10:00 pm

مرة واحدة ست ماشية في جنازة جوزها عمالة تنوح عليه اتنين كانوا ماشيين في الجنازة واحد بيقول للتاني تراهني إن الستات دول ما يصدقوا ازواجهم تموت و ينسوهم قالوا ازاي ام راح ماشي وراها و عمال يقول اه يا حلو يا مسمسم لو الواحد يعرف عنوانك بس ما كانش يسيبك راحت الست ماشية في الجنازة تنوح و تقول اه يا جوزي يا اللي كنت مستتني و مجوزني في شقة برحة في 3 شارع
النسيان الدور الثالث شقة 5 اه يا جوزززززززززززززززززي

موضوع: رد: ضحكة اليوم الإثنين 31 مارس 2008, 10:17 pm

تلاته عمالين بيحششوا فى مزرعه فراخ طب عليهم البوليس استخبوا فى تلات شوله جه الظابط شاط الشوال الاول برجله قام الحشاش الاول عمل نفسه بط و قعد يكاكى راح الظابط سابه و راح عالشوال التانى و شاطه قام الحشاش اللى
جوه قعد يدن و يقلد صوت الديك الظابط سابه و راح عالشوال التالت برضه شاطه
برجله الحشاش التالت متكلمشى..شاطه تانى بس بالجامد برضه متكلمش قعد
الظابط يخبط فيه طلعله الحشاش يقوله بطاطس بطاطس انت مبتفهمش

واحد غبى قوى حكموا عليه بالاعدام.. بعد ما علقوه فى المشنقهقعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق.....ههههههههههههه

واحد بيقول لصاحبه مش الجوازه بتاعت البنت فشلت قاله ليه ؟ قاله العريس عايز يضحك علينا قال انا حاجيب الشقه والعفش وكل حاجه تلزم البيت قلنا كويس واحنا علينا ايه قال كل يوم تجيبولي العيش

موضوع: رد: ضحكة اليوم الخميس 10 أبريل 2008, 1:11 pm

مرة واحد مسطول بيوقف تاكسي فسأله: فاضي ياسطة
فقال له الأسطة: ايوة فاضي
فقال له المسطول طيب ماتيجي تقعد معايا شوية

موضوع: رد: ضحكة اليوم الخميس 10 أبريل 2008, 3:10 pm

مرة واحد رخم راح السينما مالقاش غير واحد بس قاعد بيتفرج قام راح قعد وراه وقاله دماغك كده شوية عشان مش شايف

واحد بلدياتنا واقف قدامه خمس شياطين ليه ....؟؟؟

واحد يوسوسله و اربعه يفهموه

موضوع: رد: ضحكة اليوم الأحد 27 أبريل 2008, 7:45 pm

قال بخيل لأبنائه : من ينجح منكم سأريه سيارة الأيس كريم.

الشمس غايبة عن الكويت بقالها شهر "تعرف ليه"؟؟؟

نبيل شعيل ناشر جلبيته

موضوع: رد: ضحكة اليوم الإثنين 05 مايو 2008, 5:03 pm

انا مش عارف ايه اللى جرالكم النكت الاخيره كده بايخه ومالهاش طعم

اسمعوا دى بقى واتعلموا من اخوكم الكبير
واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع

مرة واحد اسمه عزوز راح اشتغل صبى عند ميكانيكي ...
وفى يوم قال عزوز لصاحب الورشة أنا اعرف رئيس الحي .....
صاحب الورشة مصدقش ....
لكن بعد يومين فعلا عدا رئيس الحي قدام الورشة وسلم على عزوز سلام حار جدا ...
صاحب الورشة أعجب بعزوز وشغله أسطى في الورشة ....
وبعد يومين عزوز قال لصاحب الورشة أنا اعرف الوزير!!
قال له : لا صعبة جدا ......وفعلا بعد يومين عدا الوزير قدام الورشة
وسلم على عزوز ......
صاحب الورشة اتجنن وقال لعزوز : يابنى أنا هجوزك بنتى
وتمسك الورشة مكانى ......
وبعد يومين قال عزوز لصاحب الورشة أنا اعرف بوش ؟؟
ولكن صاحب الورشة قال بلاش كدب .....
عزوز قاله تعالى نسافر وأنا أعرفك ؟؟
وفعلا سافروا أمريكا ووقفوا قدام البيت الأبيض وعزوز قال :
شوف الشباك الأبيض ، هخرج بعد شوية أنا وبوش ونقول لك هاى
وفعلا بعـد شويـة عزوز طلع هو وبوش ...
وبعد خمس دقائق صاحب الورشة أغمى عليه وراح المستشفى !!!
ولما فاق سأله عزوز :- ليه أغمى عليك....... عشان شفتني أنا وبوش ؟؟؟
صاحب الورشة قال لا ....
أنا أغمى علي عشان و أنت وبوش واقفين في الشباك ...عدا من قدامى اثنين
أمريكان بيسألوني .. مين اللي واقف جنب عـزوز

موضوع: رد: ضحكة اليوم الثلاثاء 06 مايو 2008, 8:07 pm

لالالالالالا

ده انتم اتعلمتم الدرس وتفوقتم على الاستاذ
انا مش مشارك تانى إلا لما الاقى حاجه تضحك عليها القيمه

موضوع: رد: ضحكة اليوم الخميس 08 مايو 2008, 7:32 pm

ايه يا كونت بتتريق ع النكت وانت اصلا نكتتك قديمة ؟!!!!!

مرة واحدة بتوقف تاكسي قالتله عايزة اروح المعادي قالها روحي بس متتأخريش

---------------------------------------

مره استاذ.تربيه فنيه حب يختبر التلاميذ..فقل لهم انا عيزكم ترسموا حمار غيبا.....فاوقف تلميذ وقال طيب لو سمحت يااستاذ..اخرج بره علاشان محدش يغش
----------------------------------

اثنين مبسوطين قوى قاعدين يعملوا دماغ قدام المراية فواحد منهم قال للتاني شايف الاتنين اللي قاعدين قدمنا دول ؟ قالوا ايوة قالوا دول بيعملوا زيينا بالظبط ، فقام قاله طب ما تيجي نروح لهم...... وهما جايين يقوموا فواحد منهم قال للتاني استني..هما اللى جايين خلاص
-------------------------------------
واحد بلديتنا سافر بره بعتوله برقيه ارجع فورا يوجد امر خطير رجع على اول
طياره قابل اخوه الكبير فى المطار تعبان وحالته حاله ودقنه طويله قاله فى ايه
طمنى ابويا جراله حاجه راح مطبطب عليه وخده فى حضنه وركبوا العربيه لقا اخوه
الثانى فى السياره تعبان وحالته حاله ودقنه طويله قاله فى ايه طمنى ابويا
جراله حاجه راح مطبطب عليه وخده فى حضنه سافروا لقا اخوه الثالث على باب
البيت تعبان وحالته حاله ودقنه طويله قاله فى ايه طمنى ابويا جراله حاجه راح
مطبطب عليه وخده فى حضنه دخل على ابوه فى السرير لقاه نائم تعبان وحالته حاله
ودقنه طويله قاله فى ايه طمنى يا ابويه انت كويس رد عليا راح ابوه قاله يا
حسنين وديت ماكينه الحلاقه فين
----------------------------------

مرة واحد سايق عربية وماشي فلاقى واحد لابس أحمر في أحمر بيشاورله فوقف وقاله انت مين ؟ قاله انا الفرفور الاحمر
فمشي شوية لقى واحد لابس أزرق في أزرق بيشاورله فوقف وقاله انت مين ؟ قاله انا الفرفور الازرق
مشي شوية لقى واحد لابس أبيض في ابيض بيشاورله فوقف وقاله انت بقى الفرفور الابيض ؟ قاله فرفور ايه رخصك ياروح امك

موضوع: رد: ضحكة اليوم السبت 17 مايو 2008, 2:01 pm

مرة واحد بلدينا نده على بتاع الأنابيب قال له : هات أنبوبه هنا

جاله بتاع الأنابيب بالأنبوبة و قاله فين الأنبوبه الفاضية بلدينا قاله لا هشربها هنا

موضوع: رد: ضحكة اليوم السبت 17 مايو 2008, 9:37 pm

قال المعلم لطالب سوداني دخل has في جملة مفيدة ..قال الطالب: hasبي الله ونعم الوكيل.

موضوع: رد: ضحكة اليوم الأحد 25 مايو 2008, 12:52 am

مرة واحد غبى ابنه قال له انا عاوز موبايل ابوه قال له موافق بس بشرط تركب اخواتك معاك

موضوع: رد: ضحكة اليوم الخميس 05 يونيو 2008, 2:05 pm

انا نكتى قديمه وبايخه ياعم حماده
ليك حق مانا سايبك براحتك
استنانى بس لما افضى واكون رايق

موضوع: رد: ضحكة اليوم الأحد 22 يونيو 2008, 1:00 am

فار وخطيبته ماشيين,
شاف الفيل فحب يعمل منظر قدامها,
فقعد ينده علي الفيل ويقوله:- "خد يا فيل انت أيوة انت يا عجل"
وقعد يهزء فيه
تاني يوم راح للفيل وقاله:- "معلش سامحني انا كنت بعمل منظر قدام خطيبتي وهطلع أبوس دماغك"
وهو فوق دماغه لقي خطبيبته معدية
قاله:-" يعني أكسرلك دماغك دلوقتي؟؟"

مرة واحد مسئول بيفتتح حمام سباحة فالمدير قال له ده المنط يا فندم 30متر.... قوم نط يا مرزوق فنط مرزوق . وده يا فندم منط 50 متر قوم ياعوض نط فنط عوض .وده يا فندم منط 80 متر قوم يا نجيب نط فنط نجيب فقال المسئول هايل ..هايل .... قام المدير قال ولسه يا فندم لما نملى الحمام مايه

موضوع: رد: ضحكة اليوم الإثنين 30 يونيو 2008, 9:55 pm

واحد بيستهبل اتجوز واحدة بتستهبل جابوا عيل اتولد عامل نفسه ميت

موضوع: رد: ضحكة اليوم السبت 12 يوليو 2008, 7:49 pm

مرة إتنين محششين إتفقوا إن أول واحد يعدي في الشارع يقطعوا راسه و يلعبوا بيها كرة
المهم أول واحد عدي كان مسطول أكتر منهم ... فقالوا له بص إحنا إتفقنا نقطع راسك و نلعب بيها كرة
قام مطلع مطوة و ضربها في دماغة و قاللهم ..
ده أنا أفسيهلكم قبل ما تلعبوا بيها

اتنين محششين بيتفرجو على مطش فالمزيع بيقول "دربكه فى الدفاع، دربكه فى خط الوسط، دربكه فى الهجوم، أوبا جوة الجون" فالمحشش قال لزميله "إظاهر ان دربكه ده لعيب 100 100"

مسطول راح المحكمه القاضى بيسأله انت متجوز مين؟قاله متجوز واحده ست
القاضى:انت بتهرج هو فى حد بيتجوز واحد راجل
المسطول:اه اختى

موضوع: رد: ضحكة اليوم السبت 12 يوليو 2008, 8:14 pm

ههههههههههههههه

حلوين اوى بجد يا نور

موضوع: رد: ضحكة اليوم السبت 12 يوليو 2008, 8:24 pm

هههههههههههههههه
بجد نكتك جميلة قوى يا نور
مش قادر امسك نفسى م الضحك
مذيعة تليفزيون قابلت شاب فى الشارع سألته سؤال جاوب إجابة صحيحة ، طلبت منه يحب يشوف أيه ، أجاب الشاب بسرعة: أمى الله يرحمها ، ردت المذيعة مستحيل و ترجته انه يطلب طلب آخر ، فكر الشاب ثم قال : أحب أشوف الزمالك وهو بياخد الدورى ... ردت المذيعة بسرعة لأ أجيبلك مامتك أسهل.

بلدياتنا نجح في إنتخابات مجلس الشعب، في اول جلسة قاعد جنب واحد أفندى فالأفندى عزم عليه

بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله

أحسن من الكيلوبترا

[b][b]نكت حلوة يا lovelycatبس ياريت نعرف اسمك الحقيقى وانا اسمى محمود[/b][/b]