L'ART Forum
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

L'ART Forum

VoUs NoUs TrOuVeReZ ToUs SuRpRiS
 
الرئيسيةالبوابةأحدث الصورالتسجيلدخول

 

 لمَ التعليم؟!

اذهب الى الأسفل 
+2
lovelycat
الباش مهندس
6 مشترك
كاتب الموضوعرسالة
الباش مهندس
مشرف
مشرف
الباش مهندس


ذكر عدد الرسائل : 1493
العمر : 34
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

لمَ التعليم؟! Empty
مُساهمةموضوع: لمَ التعليم؟!   لمَ التعليم؟! I_icon_minitimeالسبت 08 مارس 2008, 5:15 pm

و لمَ التعليم؟!



" الحاجة أم الاختراع " و العلم لا ينفصل عن الاختراع و لا ينفصل الاختراع عن العلم؛ فقد وُجِد العلم كى يخدم الاختراع و أحيانًا وُجِد الاختراع ليخدم العلم.
و بذا فإنّ هناك علاقة وثيقة بين العلم و الحاجة. ......... (1)
و الحاجة هى ما تطليه حياتنا. ......... (2)
من (1) و (2) فإنّ العلم من أجل الحياة. ......... (3)
و من (3) فإنّى اتعلم كى أعيش و أضيف إلى الحياة.
و مالى لا أجد أية علاقة ...... بين (الاستنباط الرياضى) - اضرب تعظيم سلام بسرعة - و كوب الشاى الذى أشربه .... و لا بينه و بين زحمة الأتوبيس و المترو !!!!!!!!!!!!!!!!!!!!!
لا أقصد أنْ أقول أنّ هناك علاقة بين هذا و ذلك أو بين هذا و ذاك؛ لكنْ من (3) لنا أن نستنتج أنّ كل علم له علاقة بشئ ( على الأقّل ) فى حياتنا؛ و مع ذلك لا أرى أية علاقة بين ما أدرسه و بين حياتى إلا فيما رحم ربى !i!
لا أعيب العلوم بل بالعكس فتالله أحبها؛ و لكنّى أعيب على طرق تدريس العلوم.
ففى الابتدائية كان عقلى ليربط بين العلم ( الذى ندرسه فى ذلك الوقت ) و الحياة فى غير موضع نظرًا لبساطة كم العلم فى تلك المرحلة لكنْ ماذا بعد؟!
لا زالت كتبى العلمية - ارجعْ لـ (3) - جافةً بيئيًا و حياتيًا.
فلا زلنا نعانى من وجود الفجوات و الأجزاء المفقودة بين حلقات مسلسل العلم الذى نشاهده فى كتبنا.
أليس هذا و ذاك سببين كافيين كى أقولَ متسائلًا " لمَ التعليم؟!i! "
فأينَ المقدمة؟ يل لمَ المقدمة؟ !
فالمقدمة موجودة لكنْ ماذا أصبح يكتب فيها؟ .......
" اتولد العالِم اللى عمل الزفتة النظرية دى فى سنة سودة مهببة مش فاكرينها بس هى بتتنيل بتترمى فى قرن من القرون ..... و النظرية دى بتتهبب تقول : ..... "
أَلَمْ تصبحْ المقدمة شيئًا بشعًا بما فيه الكفاية كى ننصرف عنها؟!i!
أراها أبشع مما رأيتُ من البشاعة فأصبحت المقدمة (للعرض فقط) أو (كلام فض مجالس عشان يبقى فيه مقدمة للموضوع) أو ربما أصبح عنوان المقدمة كالتالى :
( من فضلك ماتقراش و استنفع بوقتك احسن ) !i!!i!!i!!i!!i!!i!
و لا زلت تائهًا بين ما عظم من العلوم فى الحقيقة و ما قبح منها فى خيالى.
فأين الأعداد المركبة فى شارعنا؟
و أين المتتابعات على سريرنا؟
و أين منحنى الدالة التكعيبية فى طبق الفول الذى لم أعُد أجده؟
" أسيادى المعلمين ... أتفقهون ما تقولون؟ " من شدة تشتت فكرى أصبحتُ أوجه هذا السؤال إلى المخاطب فيه .... معلمينا.
و من ذا الكلام ليس لكم أن تتعجبوا منى حين اتهمت العلم بالبعد عن حياتى (( هذا فى ما أدرسه )) و لكنّى وجدتُ نفيًا صادقًا لهذا الاتهام فى أكثر من حديث ... بينى ونفسى ، و بينى و آخرين ......
ساقترح اقتراح لحل هذا الجفاف الذى نعانى من وجوده فى كتبنا و سأكون مصغيًا كلَّ الإصغاء لاقتراحاتكم .......
اقتراحى ( و هو مدعم من قِبَل أكثر من حديث ) كالآتى ...
* لا بدَّ أنْ تكون المقدمة شيقة بشتى الوسائل ... التشويق اللغوى و المعنوى فعليها أن تُكتب بلغة سهلة و شيقة للطلبة و فيها نقدّم تطبيق أو أكثر للنظرية الرئيسية بالدرس و ذلك بشكل مثير و مشوّق أيضًا .. حدث تاريخى ذو شعبية أو أحداث يومية .. وهكذا
* لا بدَّ أن تكون لغة الكتاب كالتى - لا بدَّ أنْ تكون - فى المقدمة .. سهلة و مشوقة و واقعية.
* لا بدَّ أن تتواجد وسطية المعلم ما بين كلام العلماء و عقلية الطلبة ..... فالتمهيد و التمثيل قد يصل كل منهما إلى درجة أعلى من القاعدة العلمية ذات نفسها من حيث الأهمية.

* إرفاق أفلام تسجيلية و تجارب مصورة مع كل درس .... عن طريق كتابة لينك - مثلا - لصفحة بها ما يراد توصيله للطالب ..... و من هنا ينكشف لنا الدور الفعّال الذى من الممكن أن تقوم به التكنولوجيا ككل و بخاصة عالم الكمبيوتر و الانترنت.
.........................................................................
أطلت ... فثرثارُُ أنا .. لكنّى متأسف و اتمنى أن يكون كلامى له أهمية و له صدى فى عقولكم و قلوبكم.
أى استفسار .. تعارض ... اعتراض .... تدعيم أو إضافة لكلامى فبرجاء التقدم.
برجاء أنّ كلَّ من لديه اقتراح لتطوير أسلوب التعليم فى مصر - يُسرع بالإعلان عن هذا الاقتراح.

كُتب هذا المقال بقلم أحمد فؤاد


عدل سابقا من قبل الباش مهندس في الإثنين 01 سبتمبر 2008, 2:27 am عدل 3 مرات
الرجوع الى أعلى الصفحة اذهب الى الأسفل
https://www.youtube.com/user/amido2000
lovelycat
مشرف
مشرف
avatar


انثى عدد الرسائل : 310
العمل/الترفيه : كلية طب
المزاج : رومانسية
تاريخ التسجيل : 24/01/2008

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالسبت 08 مارس 2008, 10:44 pm

موضوع هايل كما تعودنا منك يا باشمهندس
ومشكور لأنك فتحت باب مناقشة مهمة ممكن نطلع منها بحاجة تنفع بلدنا والاجيال القادمة
وانا عندى اضافة بسيطة
مثلا فى الرياضيات لازم قبل مندرس النظرية الهندسية يتم توضيح الطريقة التى مكنت العالم من التوصل لهذه النظرية
وفى العلوم بيتشرح كلام وبس وحتى لما بيكون فيه تجارب بتبقى تجارب عقيمة فيا ريت يتم تزويد الكتب بمجموعة اكبر من الصور ليسهل على الطالب تخيل الموضوع
ويا ريت كمان بدل ما الكتب بتبقى مليانة كلام لا يسهل على الطالب فهمه نخلى طريقة الشرح فى الكتب عبارة عن مخططات تختصر الكلام وتوصل المعلومة بشكل اسرع لذهن الطالب
ويا ريت كمان لو المدرسين يحفذوا الطلبة على التأمل والمشاهدة الدقيقة الى ان يصلو لمرحلة الاختراع...
وهناك الكثير من الافكار.......


عدل سابقا من قبل lovelycat في الأحد 09 مارس 2008, 12:00 pm عدل 1 مرات
الرجوع الى أعلى الصفحة اذهب الى الأسفل
ahmed adel
فنان شغال
فنان شغال
avatar


عدد الرسائل : 82
تاريخ التسجيل : 19/01/2008

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالسبت 08 مارس 2008, 11:57 pm

مشكور جدا يا باشمهندس على موضوعك القيم ده ولو انى حسيت فيه بنظره تشاؤميه منك للحياه اللى احنا عايشينها
ولا حظت كمان انك بتحاول تربط بين غذاء العقل و الروح - اللى هو العلم - و ما بين غذاء البطن ( يا مفجوع و لامؤخذه ) يعنى بيتهالى انك عاوز تقول ايه فايده العلم مدام مش بيؤدى الى نتيجه ملموسه تفيدنا فى حياتنا اذا كان كلامى صح ؟ فاسمح لى ارد عليك
اولا العلم لما بنتعلمه ما بيكونشى سببه ان احنا حانعمل ايه بعد كده لا انت بتتعلم العلم علشان تكون عارف و رغبتك فى انك تكون عارف لازم تغلب على رغبتك فى انك تكون مش عارف لمجرد ان اللى حاتعرفه مش حاينغعك فى شئ
طبق الفول اللى مش لاقيين ناكله لازم تعرف ليه احنا مش لاقيين طبق الفول اهو ده علم و علم مفيد كمان لانك بعد ما تعرف لازم حاتلاقى طريقه تجيب بها طبق الفول
الواصلات زحمه لازم تعرف هى زحمه ليه علشان تلاقى طريقه انك تلاقى الموصلات فاضيه
جهاز الكومبيوتر عندك بيهنج يبقى لازم تعرف هو بيهنج ليه علشان تستخدمه كويس
و انا معاك انه من وجهه نظرى فيه نوع من التقصير فى الطريقه التعليميه ان احنا بندرس حاجات كتيره فى وقت واحد مع انى اللى حاستفيده من التعليم ده كله كميه قليله جدا
درست علوم و رياضه و لغه عربيه مع انى حاتخصص فى حاجه واحده بس يبقى ايه لزوم الاتنين التانيين ؟
انا شخصيا احب اعرف حاجات كتيره بالرغم من انى مش حاستخدمها لكن ده بيكون من باب العلم بالشئ
و بمزاجى لكن ما اكونشى مجبر عليه
و انا اقبل الاجبار ده اذا كان حايبقى فى صميم عملى او تخصصى
انا درست فى الهندسه الكهربيه ماده اسمها تحليل نظم شبكات كهربيه دى ماده فى منتهى الغتاته لكن لازم اعرفها و اعرفها كويس اوى كمان
فيه ماده اسمها فارما او علم العقاقير فى كليه الطب اهى دى ماده اغتت و اغتت لكن لازم طلبه الطب يعرفوها و يعرفوها كويس اوى كمان
من كل اللى غات ده ممكن نستنبط ان سيادتك معترض على الطريقه التعليميه مش ان كونك تتعلم شئ مش مفيد او لا
و انا معاك برضه ان فيه تقصير فى الناحيه التعليميه و انا شايف انه المفروض وبطريقه معينه تربويه ان المسؤولين يعرفو ايه هى ميول و رغبه الاطفال و هواوياتهم ايه و يحاولو انهم يخللوه يتخصص فى خوايته دى و يغذوه باكبر كميه ممكنه من العلم اللى هو ( الطفل يعنى ) اكيد حاتقبلها و مش حايزهق منها ومع تقدم المراحل التعليميه حايكون انسان متخصص جدا و مطلوب مهما كان تخصصه ده
اذا الطريقه دى نجحت مش حاتلاقى حد يقول الكلام اللى انت كتبته ده

يا ترى صح اللى انا قلته ؟
الرجوع الى أعلى الصفحة اذهب الى الأسفل
الباش مهندس
مشرف
مشرف
الباش مهندس


ذكر عدد الرسائل : 1493
العمر : 34
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالأحد 09 مارس 2008, 12:17 am


لمَ التعليم؟! 22072383tf0

( lovelycat - ابو حميد )
* آرائك جميلة يا lovelycat
* أمّا انت يا ابو حميد .. فالظاهر - والله اعلم - انك فهمتنى غلط خاااااااااالص
فانا يا عم مش بدوّر فى قلب العلوم على سبب غلو الفول (ارتفاع سعر الفول) ولا بدوّر فيها على سبب الزحمة ... كل سؤالى هو الأعداد المركبة - مثلا - إيه استخدامى ليها فى الحياة؟ أو إيه تطبيقاتها اللى انا بشوفها ؟ََََ!!!!
انت فاهمنى ولا لا؟
ثانيًا ( ههههـــــــ و ده أهم من الليلة دى كلها ـــــــــهههههه ) أنا جهازى مايقدرش يهنج لا مؤاخذة وانا قاعد عليه ... لا مؤاخذة بقى كل واحد و امكانياته لو انت جهازك بيهنج .. فنحن نختلف عن الآخرين
الرجوع الى أعلى الصفحة اذهب الى الأسفل
https://www.youtube.com/user/amido2000
الكونت
مشرف
مشرف
avatar


ذكر عدد الرسائل : 613
العمر : 35
العمل/الترفيه : كلية الصيدله
المزاج : محب للحياه والحياه ما بتحبوش... الدنيا ملطشه معاه بس لسه صامد
تاريخ التسجيل : 15/01/2008

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالأحد 09 مارس 2008, 8:18 pm

عندك حق يااحمد العمليه التعليميه عندنا محتااجه تطوير فظيع واهم حاجه المفروض نعملها اننا ناخد رأى الطالب ونشوف هو اهتماماته ايه ونحاول ندرس له المواد اللى توصله لهدفه بطريق بسيطه وسلسه تخلى الطالب يحب اللى بيتعلمه علشان ينبغ فيه ولا انت ايه رأيك وطبعا سؤال الطالب هوه بيحب ايه دى عندنا قلة ادب
الرجوع الى أعلى الصفحة اذهب الى الأسفل
http://www.cont.nireblog.com
الباش مهندس
مشرف
مشرف
الباش مهندس


ذكر عدد الرسائل : 1493
العمر : 34
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالإثنين 10 مارس 2008, 11:34 am


لمَ التعليم؟! 22072383tf0

( كونت )
بس بالنسبة لموضوع التخصص فماينفعش يبقى بحت بالشكل ده عشان يبقى عند الطالب ثقافة عامة لغويًا و سياسيًا و بيئيًا و تاريخيًا ...... و هكذا
ولا انت رأيك ايه؟


عدل سابقا من قبل الباش مهندس في الخميس 04 سبتمبر 2008, 1:08 pm عدل 1 مرات
الرجوع الى أعلى الصفحة اذهب الى الأسفل
https://www.youtube.com/user/amido2000
الكونت
مشرف
مشرف
avatar


ذكر عدد الرسائل : 613
العمر : 35
العمل/الترفيه : كلية الصيدله
المزاج : محب للحياه والحياه ما بتحبوش... الدنيا ملطشه معاه بس لسه صامد
تاريخ التسجيل : 15/01/2008

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالإثنين 10 مارس 2008, 3:45 pm

فعلا لازم ننوع بس ندى الاولويه للتخصص مع الاهتمام بالثقافه العامه
الرجوع الى أعلى الصفحة اذهب الى الأسفل
http://www.cont.nireblog.com
ahmed adel
فنان شغال
فنان شغال
avatar


عدد الرسائل : 82
تاريخ التسجيل : 19/01/2008

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالإثنين 10 مارس 2008, 10:08 pm



<BLOCKQUOTE id=17e2da5>
ياااااااااااااادى الاعداد المركبه الللى حاتعقدك يا باشمهندس انا معاك ان اطريقه اللى بندرسها بيها فى وقتها مش بتخللينا نفهم هى حاتفيدنا بايه عمليا
شويه ارقام بنكتبها و نعمل عليها عمليات حسابيه و بس جمع و طرح و قسمه و ضرب
لكن احب اطمنك انك حاتعرف قيمه معرفه الاعداد المركبه لما تتخرج ان شاء الله
ولو سمحت لى اقولك فكره عن الاعداد المركبه
العدد المركب بيكون مكون من قيمتين نقول مثلا س و ص
الكميه س بيسموها القيمه الحقيقيه للعد المركب و الكميه ص بيسموها القيمه التخيليه للعد المركب
و بنكتبه على صوره س + ت ص و الحرف ت لدلاله على ان ص دى هى القيمه التخيليه
و الاستفاده من الشئ اللى بيمثله العدد المركب ده بتكون اكبر ما يمكن لما تكون القيمه التخيليه اللى عبرنا نها بالرمز ص = صفر يعنى العدد المركب كله يبقى عباره عن عدد حقيقى و ارجو ان الامثله اللى حاقولها لك دلواتى تقرب الى ذهنك اللى انا عاوز اقوله
السيد المسيح عليه و على نبينا افضل الصلاه و ازكى السلام دعا ربه قال ( اللهم اكفنى شر اصدقائى اما اعدائى فانا كفيل بهم )
يعنى هنا فيه عدد مركب اهه الاعداء ( عدد حقيقى معروف ) يمكن التعامل معه و عدد تخيلى ( الاصدقاء الغير اوفياء) و اللى نحاول ان احنا نخليه اقل قدر ممكن حتى لو اصبح صفر
لان العدد المركب كله لو اصبح عباره عن عدد الاعداء يبقى ده كويس لاننا كفيلين باعدائنا اما وجود الكميه التخيليه اللى هى الاصدقاء الغير اوفياء بيعمل لنا نوع من القلق و عدم الاستقرار
المحرك الكهربى بيشغل اى حاجه انا عاوزها خلاط او طلمبه رفع مياه فى البيوت او بيشغل غساله او ماكينه معيته انا باستفاد بيها بيسحب طاقه كهربيه انا بادفع تمنها لشركه الكهرباء
و المفروض انى ادفع تمن الكهراء اللى انا باستفاد بيها لكن الحقيقه انى بادفع كمان تمن طاقه انا مش باستفاد منها لانها هى دى طبيعه المحرك الكهربى انه بيسحب نوعين من التيار الكهربى نوع بيستهلك فى اعطاء الطاقه الحركيه و هى دى اللى انا باستفاد منها و نوع تانى بيضيع فى المجالات المغناطسيسيه الخاصه بملفات الموتور
اصبح هنا عندن عدد مركب اهه كميه حقيقه متمثله فى التيار المستفاد منه و اللى انا بادفع تمنه عن اقتناع و كميه اخرى ضايعه فى ملفات الموتور مش باستفيد منها لكن شركه الكهرباء بتحاسبنى عليها لانه برضه تيار مسحوب من عندها
فلو قدرت انى اخللى التيار المغناطيسيى ده صفر يبقى انا مش حادفع غير تمن التيار اللى انا باستفاد بيه
و طبعا فيه طرق للتخلص من الكميه المركبه دى اعتقد ان ده مش وقت شرحها
و هكذا حاتلاقى فى كل مجال فيه العفريت اللى اسمه العدد المركب ده بس لازم ندرسه و نعرف ازاى نتغلب على الجزء التخيلى حتى نحصل على احسن نتيجه
مثال تانى ابسط من كده
اى مجتمع فيه ناس كويسه و ناس وحشه اهو ده عدد مركب الناس الكويسه هو العدد الحقيقى اللى هو الكميه س و الناس الوحشه هو العدد التخيلى اللى هو الكميه ص
فلو قدرنا نخللى الكميه ص = صفر حاتبقى دى احسن نتيجه نوصل لها لان العدد المركب كله حايبقى س يعنى الناس كلها تبقى كويسه و عمليا مش حانقدر فى جميع الاحوال ان احنا نخللى الكميه ص مساويه للصفر لكن بنحاول دايما نخلليها اقل ما يمكن
ارجو انى اكون نجحت فى انى اوصل لك فى اللى انا عاوز اقولو و الا حايبقى العيب عندى انا و اكون انا اللى كميه تخيليه </BLOCKQUOTE>
الرجوع الى أعلى الصفحة اذهب الى الأسفل
الباش مهندس
مشرف
مشرف
الباش مهندس


ذكر عدد الرسائل : 1493
العمر : 34
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالإثنين 17 مارس 2008, 6:04 pm

ahmed adel كتب:


ياااااااااااااادى الاعداد المركبه الللى حاتعقدك يا باشمهندس انا معاك ان اطريقه اللى بندرسها بيها فى وقتها مش بتخللينا نفهم هى حاتفيدنا بايه عمليا .....
.............................
..... ارجو انى اكون نجحت فى انى اوصل لك فى اللى انا عاوز اقولو و الا حايبقى العيب عندى انا و اكون انا اللى كميه تخيليه

شكرا جزيلا يا ابو حميد على اصرارك على إضافة جديد .... لكن
أولا ... أنا مش متعقد من الأعداد المركبة ولا حاجة ... و انا الحمد لله فاهمها و بحب احل فيها
ثانيًا برده أنا ماكنتش عايز الكلام يجيبنا للحتت دى .. انا غرض كلامى او اللى اقصده التعليم ككل .. لكن بالشكل ده احنا هنتخانق فى كلام فرعى على حساب الغاية الأصلية من الكلام
و عامة انا بشكرك تانى ... و ع فكرة Very Happy انت تنفع تبقى مدرس رياضة 2 كده ... اجيب لك ناس تديهم درس؟ بس لى عمولتى ماشى؟ Very Happy
الرجوع الى أعلى الصفحة اذهب الى الأسفل
https://www.youtube.com/user/amido2000
ahmed adel
فنان شغال
فنان شغال
avatar


عدد الرسائل : 82
تاريخ التسجيل : 19/01/2008

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالإثنين 17 مارس 2008, 8:18 pm

شكرا على مرورك يا باشمهندس و احب انى اقولك انك ما اخدتش بالك من ردى اللى فات و عاوز اوضح لك حاجه

انا عارف انك فاهم اعداد مركبه و عارف انك بتعرف تحل المسائل الخاصه بيها ولكن انا كا ن غرضى من ردى هو انى اعرفك حاجه - و انت ايمكن تكون عارفها - اسمها
physical meaning for somethings
او المعنى الطبيعى للاشياء
كلنا بنعرف ان عدد حقيقى × عدد حقيقى = عدد حقيقى و
عدد تحقيقى × عدد تخيلى = عدد تخيلى و
عدد تحيلى × عدد تخيلى = - عدد حقيقى
لكنن يعنى ايه الكلام ده و على الطبيعه يطلع ايه و يكون ايه
زى مثلا كمان
التفاضل و التكامل ايه الغرض من دراستهم ؟ يعنى ايه تفاضل الثابت = صفر
يعنى ايه تفاضل داله معينه لما تقترب من رقم معين فهى بتساوى كذا ؟
و عكس كده اللى هو التكامل ايه الاستفاده منه من الناحيه الطبيعيه ؟
بس يا باشمهندس هو ده كان غرضى من الرد و مش غرضى انى - لا سمح الله - اقصد انى اشرح لك اعداد مركبه
و م ا زلت انى معاك فى ان الطريقه التعليميه فيها نوع من القصور و معرفتها للطرق اللى تخللينا نشعر بالرياضه عموما انها شء مهم فى حياتنا ولو عرفنا ده كويس اوى يبقى احنا كلنا حا نحب الرياضه جدا و ما اعتقدشى ان حد بعد كده حايدخل ادبى و على فكره انا عاوزك تدفعى تمن الحصه اللى اديتهالك و برضه حا ديلك نسبتك ما تخافشى كله فى النوته
الرجوع الى أعلى الصفحة اذهب الى الأسفل
الباش مهندس
مشرف
مشرف
الباش مهندس


ذكر عدد الرسائل : 1493
العمر : 34
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالسبت 30 أغسطس 2008, 10:24 pm

شكرًا جدًا جزيلا يابو حميد
حقيقى اضفت جديد لمعلوماتى (على الأقل)
و اعتقد ان فيه ناس تانية انت اضفتلها جديد بكلامك دا برضه
و اسمحوا لى بقى انشط الموضوع تانى عن طريق قضية طرحت على الإعلام منذ أيام
تمثلت هذه القضية فى طلب قدمه محافظ القليوبية (و بندعى له من كل قلبنا زى ما بندعى للريس كدا بالظبط) إلى رئيس الوزراء و قام رئيس الوزراء بإعادة توجيهه إلى وزير التربية و التعليم ، و الذى طالب فيه محافظ القليوبية بإلغاء الكتب الخارجية و ذلك بمنع إصدار تصاريح طباعة و نشر و توزيع هذه الكتب .. و كان هذا الطلب بحجة أن يلتفت الطالب أكثر إلى كتاب المدرسة
فــ إيه رأيكم فى الكلام دا بقى؟؟
و بأمانة يا طالب ياللى لسا فى المرحلة المدرسية .. لو خيروك بين الكتاب الخارجى و كتاب المدرسة (بوضعه الحالى) تختار إيه؟؟؟
و أخيرًا يا ريت كل واحد يعمل لنا مقارنة بين كتاب المدرسة و الكتاب الخارجى من وجهة نظره .. و بالنسبة لأوجه المقارنة فقول اللى ييجى على دماغك
وجهة نظرى هكتبها بعد أول رد إن شاء الله
الرجوع الى أعلى الصفحة اذهب الى الأسفل
https://www.youtube.com/user/amido2000
الباش مهندس
مشرف
مشرف
الباش مهندس


ذكر عدد الرسائل : 1493
العمر : 34
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالإثنين 01 سبتمبر 2008, 2:28 am


إيه يا جماعة فين الحوار و المناقشة؟؟
فين آرائكم؟؟؟؟
الرجوع الى أعلى الصفحة اذهب الى الأسفل
https://www.youtube.com/user/amido2000
saro2a
مشرف
مشرف
saro2a


انثى عدد الرسائل : 319
العمر : 31
تاريخ التسجيل : 26/08/2008

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالخميس 04 سبتمبر 2008, 1:19 pm


بجد موضوع جميل جداااا يا باش مهندس
وفعلا الكل بيقول انا مش عارفة ايه آخر التعليم ده؟
هيفيدنى بايه؟
بس بيتهيألى ان التعليم برده له فوائد
هى أى نعم مش كتيرة (والدليل ان احنا دولة درجة تالتة)
بس اكيد له فوائد
يعنى لو قارنا نفسنا بناس أقل مننا فى التعليم
أكيد هنلاقى فروق كتييييييييرة
بس برده التعليم محتاج تطوير كتيييييييييييير
محتاج عقول تشتغل علشان تنتج افكار جديدة
وتطلع مناهج احسن واكثر افادة للطالب
تقدر تفيده فى حياته ومجتمعه اكتر



بالنسبة لقضية الكتب الخارجية
فطبعا والحمد لله كتب الوزارة دى عندى ما اتحطش فيها قلم
والله بفتحها
وبحاول استفاد منها
بس للأسف _بنفخ فى قربة مخرومة_
ولو زاكرت منها يبقى اسمى بضيع نفسى
وهعمل المقارنة والأسباب بعدين علشان عندى درس دلوقتى
سلام وللحديث بقية
بس شكلى طولت أوى
الرجوع الى أعلى الصفحة اذهب الى الأسفل
الباش مهندس
مشرف
مشرف
الباش مهندس


ذكر عدد الرسائل : 1493
العمر : 34
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالخميس 04 سبتمبر 2008, 1:35 pm


لالالا ابدًا ماطولتيش ولا حاجة يا saro2a
و شكرًا على كلامك الجميل
و بالمناسبة .. مش عشان احنا احسن من غيرنا نبقى احنا القمة
ممكن زى ما نقارن نفسنا باللى اقل منا نقارن نفسنا بالللى اعلى منا

و بمناسبة المقارنة فانا فى انتظار ردك
الرجوع الى أعلى الصفحة اذهب الى الأسفل
https://www.youtube.com/user/amido2000
saro2a
مشرف
مشرف
saro2a


انثى عدد الرسائل : 319
العمر : 31
تاريخ التسجيل : 26/08/2008

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالخميس 04 سبتمبر 2008, 7:14 pm

الباش مهندس كتب:

لالالا ابدًا ماطولتيش ولا حاجة يا saro2a
و شكرًا على كلامك الجميل
و بالمناسبة .. مش عشان احنا احسن من غيرنا نبقى احنا القمة
ممكن زى ما نقارن نفسنا باللى اقل منا نقارن نفسنا بالللى اعلى منا
عندك حق فعلا
احنا من الأفضل اننا نقارن نفسنا بالأفضل علشان نوصل للأحسن
وانا وقلت نقارن بالأقل بس علشان نعرف ان التعليم قدملنا حاجة


و بمناسبة المقارنة فانا فى انتظار ردك



بالنسبة للمقارنة
الكتاب المدرسى:
**الدرس موجود نصا
ما فيش شرح وتوضيح للحاجات المبهمة فى الدرس
نقول ده دور المدرس اوك
**بالنسبة للغة العربية الكلمات الصعبة مالهاش معانى
تحس ان فيه معانى للكلمات التافهة فى الدرس
الكلمات اللى تحتاجها فعلا ما تلاقيهاش
**اسئلة الكتاب فى بعض المواد تافهة جداااااااا ومش بتيجى فى امتحانات
وفى بعض المواد صعبة جدااااااااا وافكارها جديدة وممكن الطالب ما يقدرش يحلها من فهمه للدرس الموجود
الا الطلاب النوابغ
وفى الغالب برده مش بتيجى فى الأمتحان لصعوبتها
**من الصعب انك تقدر تعتمد على كتاب المدرسة فى المزاكرة
من المستحيلات


الكتاب الخارجى:
**الدرس موجود نصا
بعد قراءته فى ملخص للتأكيد على عناصر الدرس الأساسية
ساعات بيبقى فيه سؤال واجابة لتسهيل تقسيم أفكار وعناصر الدرس
بتبقى طريقة الشرح بطريقة أوضح وأفضل
**بالنسبة للغة العربية كل كلمة صعبة موجودة فى الدرس لها معناها
واحيانا أصلها والمقصود بيها فى النص
**فى الكتاب الخارجى توجد اسئلة الكتاب المدرسى باجاباتها النموذجية
توجد اسئلة لقياس قدرات الطالب فى الحد المعقول
لو فيه افكار جديدة عن نفسى بلاقيها فى شرح الدرس وتوضيحه
اسئلتها فى الغالب بتكون فى المستوى المتوسط وبتكون موضع امتحان
**من السهل انك تعتمد على بعض الكتب الخارجية فى المزاكرة والدراسة
لشمولها على كل شئ
عن نفسى بحس انها بتتضمن كتابين فى كتاب واحد
اولا بتشتمل على كل محتويات كتا المدرسة بلا استثناء
ثانيا الأضافات الخارجية من الكتاب نفسه واللى بتكون مفيدة جدا واللى بتوضح الدرس



وأهم وأكبر دليل على ان الكتب الخارجية افضل بكثير من الكتب المدرسية
ان مدرسين المدرسة كانوا بيعتمدوا عليها فى تحضير الدروس وأحيانا فى الواجبات المدرسية
وكتاب المدرسة بنحطه على الديسك منظر
انا عن نفسى لما حبيت ازاكر من كتاب المدرسة قبل امتحاناتى
حسيت انى بضيع وقتى
وده رأيى الحقيقى والصريح
كتاب المدرسة فيه الدروس
والكتاب الخارجى فيه الدروس بشرحها بأسئلتها بأى حاجة تحتاجها ليها
ايه الأفضل من وجهة نظرك؟
اتمنى انى ما كنش طولت عليكوا
ومستنية التعليق على كلامى
الرجوع الى أعلى الصفحة اذهب الى الأسفل
الباش مهندس
مشرف
مشرف
الباش مهندس


ذكر عدد الرسائل : 1493
العمر : 34
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالخميس 04 سبتمبر 2008, 8:09 pm


مش عارف اقول لك ايه يا saro2a
حقيقى مقارنتك هايلة و كلامك صحيح جدًا جدًا
و اللى لفت انتباهى فى كلامك حتة تحضير المدرسين
النقطة دى فعلا مؤثرة جدًا جدًا فى القضية دى
يبقى كدا بقى ماينفعش الكتاب الخارجى يتلغى ... مستحيــل يعنى
و دا بيفكرنى برأى واحدة (ولية أمر) بتقول ايه ...
لو منعوا نشر الكتب الخارجية هتتباع فى السر زى الممنوعات
فتفتكروا هل دا ممكن فعلا يحصل لو صدر قرار بمنع الكتب الخارجية؟

و شكرًا كمان مرة على كلامك الرائع و مجهودك الكبير دا يا saro2a
الرجوع الى أعلى الصفحة اذهب الى الأسفل
https://www.youtube.com/user/amido2000
hamada salah
مشرف
مشرف
avatar


ذكر عدد الرسائل : 568
العمر : 33
العمل/الترفيه : طالب بكلية العلوم جامعة حلوان
المزاج : مخنوووووووق أوي
المنتدى المفضل : منتدى العلوم
تاريخ التسجيل : 09/01/2008

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالخميس 04 سبتمبر 2008, 9:06 pm

كلامك جميل يا saro2a وفي غاية الأهمية فعلا بس مش كل الكتب الخارجية بتبقى احسن من الكتاب المدرسي في كتب ملهاش اي لازمة والكتاب المدرسي احسن منها بكتير
الرجوع الى أعلى الصفحة اذهب الى الأسفل
http://www.arts.forum.st
saro2a
مشرف
مشرف
saro2a


انثى عدد الرسائل : 319
العمر : 31
تاريخ التسجيل : 26/08/2008

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالجمعة 05 سبتمبر 2008, 1:20 pm


شكرا يا باش مهندس على التعليق
والحمد لله ان كلامى عجبك
وفعلا الكتاب الخارجى مش هينفع يتلغى فى الوقت الحالى ابداااااا
ولو فكروا عمره ما هيتلغى
هيتباع فعلا فى السر
والمدرسين نفسهم هما اللى هيشتروه وقبل الطلاب كمان
بس لوالكتب المدرسية اتعدلت للأفضل
وبقى فيها كل اللى يحتاجه الطالب
(وده مش متوقع نهائى فى الوقت الحالى)
يبقى فيه احتمال اننا نقدر نستغنى عن الكتب الخارجية
او نقلل من استخدامها
وشكرا على موضوعك الرائع
وقولت انك هترد بعد أول رد
مستنية ردك
الرجوع الى أعلى الصفحة اذهب الى الأسفل
saro2a
مشرف
مشرف
saro2a


انثى عدد الرسائل : 319
العمر : 31
تاريخ التسجيل : 26/08/2008

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالجمعة 05 سبتمبر 2008, 1:24 pm

hamada salah كتب:
كلامك جميل يا saro2a وفي غاية الأهمية فعلا بس مش كل الكتب الخارجية بتبقى احسن من الكتاب المدرسي في كتب ملهاش اي لازمة والكتاب المدرسي احسن منها بكتير


هو فعلا بتبقى فيه كتب اقل من مستوى الكتاب المدرسى
بس هتلاقى ما فيش اقبال من الطلاب عليهم اصلا
يعنى انا بتكلم على الكتب اللى بجد بنقدر نستفاد منها
وشكرا لحضرتك على التعليق
الرجوع الى أعلى الصفحة اذهب الى الأسفل
الباش مهندس
مشرف
مشرف
الباش مهندس


ذكر عدد الرسائل : 1493
العمر : 34
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالجمعة 05 سبتمبر 2008, 2:24 pm



الكتاب المدرسى
يرغب الكتاب المدرسى فى عرض منهج تعليمى .. و بجانب هذا يقدم بعضًا من الأسئلة و التدريبات التى من خلالها يتضح استيعابك و فهمك للدرس أو عكس ذلك. و ليس مطلوبًا من الكتاب المدرسى أن يشرح لنا الدرس بعد كتابته ثانيةً كما يفعل الكتاب الخارجى و لكنّ المطلوب هو أن يكون عرض الدرس أساسًا بلغة سهلة و بسيطة و أسلوب شيّق يساعدنى كطالب على الفهم. لكن ما يحدث عكس هذا بالمرة .. فاللغة تكون معقدة و الأسلوب معقد و ممل بل سخيف فى بعض الأحيان. هذا بالنسبة للمواد الفلسفية و الاجتماعية.
أما بالنسبة للمواد العلمية كالكيمياء و الفيزياء و الرياضيات و الأحياء .. فالعرض يكون بلغة غير جيدة بالإضافة إلى ندرة الأمثلة التى توضح تطبيق القاعدة أو النظرية هذا بجانب عدم توضيح علاقة القاعدة أو النظرية بالواقع .. و خصوصًا فى المواد البحتة كالرياضيات .. و ليس هذا لبعد علم الرياضيات عن الواقع و لكنّ الله أعلم بالسبب .. أهذا تكاسل من واضعى المناهج و مطوريها؟؟!!
أما بالنسبة للغات فكما أسلفت saro2a الكلمات المستخدمة فى العربية معظمها معجمية و صعبة و حين توضيح معانى الكلمات .. يوضحون الكلمات السهلة و المفهومة .. و هذا يكشف عن فجوة موجودة بين الطالب و واضع المنهج و مطوره .. و هذه كاااااااااارثة
و بالنسبة للغة الإنجليزية فلك أن تقارن بين نظام الكتاب المدرسى و أسئلة الــ workbook و نظام الامتحان .. إنه فرق السماء عن الأرض .. فكيف هذا ؟ .. لست أدرى.


الكتاب الخارجى
يعلم الكتاب الخارجى كل نقاط الضعف هذه الموجودة بالكتاب المدرسى و يسعى إلى حلها و ينجح فى ذلك بالطبع .. لا لعبقريته بل لتخلف خصمه و جموده ... و ليس الأمر لله × لله .. فللغرض وجهان ...
وجه إنسانى و غالبًا ما يكون هذا الغرض نابع من مؤلف الكتاب نفسه .. فهو على دراية بمعاناة الطالب مع الكتاب المدرسى و يسعى إلى مساعدته و إلى الوقوف بجانبه
وجه مادى و غالبًا ما يكون هذا الغرض نابع من صاحب المطبعة أو الممول للكتاب الخارجى .. و هذا هو الـ business فهو انشأ مشروعًا كى يربح منه

و بذا تصبح المعركة بين الكتاب الخارجى و الكتاب المدرسى معلومة النهاية .. فطرف نشيط يبحث عن الجديد دائمًا و يقترب من الطالب و عقليته أكثر و أكثر .. و طرف جامد يكاد يكون ميت .. لا يعلم شيئًا عن التجديد و لا عن الطالب الذى يقدم له المنهج

و كى نعطىَ كل ذى حقٍ حقه .. فهناك تطوير تم لكتاب و منهج اللغة الإنجليزية للصف الأول الثانوى .. الموضوعات تغيرت و اصبحت أكثر واقعية ... لعله (بشرة خير)

و آسف أشد الأسف على الإطالة


عدل سابقا من قبل الباش مهندس في الجمعة 05 سبتمبر 2008, 8:53 pm عدل 4 مرات (السبب : تصحيح اخطاء كتابية)
الرجوع الى أعلى الصفحة اذهب الى الأسفل
https://www.youtube.com/user/amido2000
saro2a
مشرف
مشرف
saro2a


انثى عدد الرسائل : 319
العمر : 31
تاريخ التسجيل : 26/08/2008

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالسبت 06 سبتمبر 2008, 3:48 am


تسلم ايدك يا باش مهندس على المقارنة الجميلة دى
اسلوبك جميل جدا فى اللغة العربية
وكلامك كمان واقعى جدا
والجزء بتاع البيزنس ده كان جديد عليا فعلا
وفعلا فيه تعديلات على كتاب اللغة الأنجليزية لأولى ثانوى
بس ما سمعتش أخبارعن انها أفضل
انا سمعت انهم صعبوا المناهج زيادة شوية
ونزلوا قواعد جديدة
بس ماسمعتش عن تغيير فى اسلوب الكتاب نفسه
على العموم انا بتمنى انه يكون بقى أفضل
وباقى الكتب المدرسية تكون اقضل من كدة
تقبل مرورى
وشكرا على المناقشة الجميلة دى
الرجوع الى أعلى الصفحة اذهب الى الأسفل
الباش مهندس
مشرف
مشرف
الباش مهندس


ذكر عدد الرسائل : 1493
العمر : 34
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

لمَ التعليم؟! Empty
مُساهمةموضوع: رد: لمَ التعليم؟!   لمَ التعليم؟! I_icon_minitimeالإثنين 08 سبتمبر 2008, 10:00 pm


لمَ التعليم؟! 22072383tf0
saro2a

و فيه اطراف كنت حابب انهم يشاركوا فى النقاش و يقولوا رأيهم مش عارف ليه ماشاركوش بس انا مستنى اشوف ارائهم برضه و اراء باقى الأعضاء
القضية مش تافهة .. دى تعتبر قضية قومية لأنها تحكم الحياة التعليمية فى مصر
الرجوع الى أعلى الصفحة اذهب الى الأسفل
https://www.youtube.com/user/amido2000
 
لمَ التعليم؟!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
L'ART Forum :: O?°'¨ (المنتديات العامه ) ¨'°?O :: ساحة الحوار-
انتقل الى: