معًا أمام الله

موضوع: معًا أمام الله الإثنين 17 مارس 2008, 6:57 pm

مساء يوم السبت 15 / 3 / 08 فى أحد أبرز و أجمل البرامج ( برنامج العاشرة مساءً ) و الذى يذاع على قناة (دريم 2) الفضائية تم استضافة أربعة من الشباب و الذين تحدثوا بلسان فريق مكون من 15 شخص .. هذا الفريق قام بعمل قد يكون غريب و لكنّه حيوى و هام و احتوى من الشجاعة ما لا بأس به .. هذا العمل هو ...

معًا أمام الله

كانت هذه العبارة عنوان للاستبيان الذى قام بعمله مجموعة من شباب مصر و الذى كان عن علاقة المكونين الرئيسيين للشعب المصرى .. المسلم و المسيحى أو المسيحى و المسلم

الشباب الآربعة الذين استضافتهم منى الشاذلى فى هذه الحلقة هم
* شريف عبد العزيز
* ماريان ناجى
* سامية اليمانى
* رامى كرم
اثنان منهم مسلمان أما الآخران فمسيحيان .... هم أصدقاء تعرف بعضهم على الآخر عن طريق النت و نشأت الصداقة هذه فى حب و مصارحة .. تطور بهم الحديث فى كثير من الأحيان إلى الخوض فى الانطباعات .. انطباعات المسلم عن المسيحى و انطباعات هذا عن ذلك و لنضج فكرهم تطرق بهم الاقتراح إلى تكبير هذه الفكرة و هى التصريح بما داخلنا من انطباعات .. فكل طرف يدلى بانطباعاته عن الطرف الآخر و لنصحح ما كان خاطئًا من هذه الانطباعات أو تلك ؛ مما دفعهم إلى عمل استبيان على النت .. تضمن هذا الاستبيان اسئلة .. حرصوا على أن تبتعد هذه الأسئلة عن العقائد و المفاهيم القلبية لهذا الدين و تلك الديانة .. و جعلوا من الأسئلة كاشفًا عما يحتوى قلب المجيب من انطباعات
و لم تكن الانطباعات و حسب هى محل الاستبيان و لكنّه تضمن أيضًا السؤال .. عن مصادر معلومات كل طرف عن الطرف الآخر .. و عن مميزات كل طرف فى وجهة نظر الطرف الآخر.
على أية حال فهذا الحدث (من وجهة نظرى) جيد و لو نسبيًا .. فإنّه جعلنا نتخطى كلمة ( عيب .. بنتكسف ) و دفعنا إلى مزيدٍ و مزيد من المصارحة و المواجهة كما أنّه يبشرنا بأنّ هناك من بيننا من يفكر فى الإبقاء على الوحدة الوطنية التى نشأنا فيها

و الآن برجاء التصريح برأيك فى صاحبك أو جارك المسيحى و انطباعك عنه و معاملتك له و نظرتك إليه .. حيث إنّ كل الأعضاء الموجودين فى المنتدى حاليًا مسلمون

انا بصراحه ليا اصحاب كتييييييييييييييييير مسيحيين وانا بحبهم وأعزهم وهما كذلك احنا أصدقاء من الطفوله من قبل مانعرف يعنى ايه مسم ويعنى ايه مسيحى

على فكرة الموضوع ده جميل ياباش مهندس بجد

وبخصوصي انا بتعامل مع اي حد بغض النظر عن ديانته يعني متفرقش معايا

لكن لو هنتكلم في الدين وكده فطبعا مينفعش

بس غير كده في أمور الحياة العادية يعني كونه مسيحي أو مسلم ده مش هيأثر على حاجة

شكرا يا باش مهندس ع الموضوع
بصراحة انا كل اصحابى المسيحيين طيبين اوى
واحنا بنتعامل مع بعض عادى كأى اصحاب من غير اى حساسية

(كونت - حمادة - lovelycat )
و انا معجب بآرائكم لانى متفق معكم
أنا عندى اصحاب مسيحيين بعاملهم و بيعاملونى زى الاخوات بالظبط
و هم زى اى بشر (بما فيهم احنا) .. فيهم الحلو و فيهم الوحش
و فيهم شخصيات عظيمة فعلا و بتعمل لصالح البلد زى ما فيهم العكس .. زى باقى الناس برده

زائر

موضوع هايل يا باش مهندس احمد كالعاده بس انا ليا رأى مخالف ليكم كلكم والله يعنى دا مجاش من فراغ ان كل المسيحين اللى اتعاملت معاهم واللى بشوفهم مش كويسيين لذلك لا تعليق على اللى انتو قلتوووه:confused:

( شيكابالا )
لكنّى مش مقتنع بكلامك .. مانا يا عم قابلت فلان و فلان مسلمين و كانوا مش كويسين هل معنى كده ان المسلمين وحشين؟
و بالنسبة لكلامك فقد يكون جه حظك ان (((كل))) المسيحيين اللى قابلتهم وحشين ( و لو انّى مش مقتنع بكده ) و حتى لو مقتنع فده مش معناه ان المسيحيين ناس وحشين بل بالعكس فهم جزء من وطننا اللى بنعيش فيه و زى ما احنا بنكملهم فهم كمان بيكملونا و زى ما الأهلاوى مايعرفش يتخيل كرة من غير زمالك فالمسلم ما يعرفش يتخيل مصر من غير مسيحيين ..................... و خليك فاكر ان الحياة فيها الابيض و الاسود يعنى فيها متناقضات و بعدين افرض ان انت مكان واحد من المسيحيين (لا قدر الله) كنت ترضى انك تتعامل وحش او يتقال عنك كلام مش حلو؟؟؟؟؟؟؟؟

انا مع الباشمهندس فى كل اللى قاله دايما كل حاجه فيها الحلو والوحش فمش عايزين نخلى الوحش قاعده موجوده فينا