مش عارف اذا كان فيه حد ممكن يتجاوب معايا فى الكلام ده و الا لا
طبعا معروف ان امريكا هى اقوى دوله فى العالم و لما بنسمع كده كلنا نلوى بوزنا و نمصمص شفايفنا زى ما نكون بنقول لبعض اهى هى كده و خلاص
لكن يا ترى حد فكر ليه امريكا بقت كده ؟ و ليه احنا العرب ما نبقاش كده ؟
انا شايف ان سبب قوه امريكا هو ان مساحتها كبيره جدا و تقريبا بتاخد من المحيط الاطلنطى للممحيط الهادى و كبر المساحه ده بيديها تنوع عظيم فى كافه مصادر التنميه
كبر المساحه بيدى تنوع زراعى و اللى مش موجود فى المكان ده تلاقيه فى المكان ده اقصد اللى مش موجود فى الولايه دى بيكون فى ولايه تانيه يبقى من السهل جدا توفير المنتجات الزراعيه فى جميع انحاء الدوله
كبر المساحه بيدى كمان تنوع صناعى و توفر فى المواد الخام ....... و هكذا
يعنى باختصار دوله فلوسها منها فيها لانها مش بتحتاج انها تجيب اى حاجه من بره اللهم الا اذا كان البترول
احنا لو نظرنا للوطن العربى ككل نلاقيه عباره عن مساحه كبيره ايضا تماثل مساحه امريكا لانه ممتد من المحيط الاطلنطى الى الخليج العربى
فاذا امكن تحول الوطن العربى الى دوله واحده موحده لها كيان واحد و رئيس واحد وجيش واحد اكيد حانكون فى قوه امريكا لانه كبر المساحه زى ما قلت بيدى التنوع فى جميع مصادر التنميه
و مش حا نحتاج لاى حاجه من بره و حاتبقى فلوسنا مننا فينا
انا فى سوريا مثلا لو احتجت اى حاجه من المغرب ليه ما الحاجه دى ما تتوفرشى فورا دون التقيد بجمارك او سعر عمله لو الارتباط بالدولار او....او....او...
ياريت حد يقرا اللى كتبته ده و يقولى لى رايه