lovelycat
عدد الرسائل : 310 العمل/الترفيه : كلية طب المزاج : رومانسية تاريخ التسجيل : 24/01/2008
| موضوع: البرامج ال... الثلاثاء 15 سبتمبر 2009, 2:12 pm | |
| السلام عليكم
ازيكم يا أحلى أعضاء
فى كده موضوع محيرنى وكنت عايزة اخد رأيكم فيه فى الفترة الاخيرة انا ملاحظة انا البرامج اللى مش عارفة اصنفها اذا كانت اخبارية ولا سياسية ولا اجتماعية البرامج دى بقت كتيرة اوى وعلى سبيل المثال لا الحصر.. 90 دقيقة العاشرة مساءا الحياة اليوم 48 ساعة القاهرة اليوم البيت بيتك وغيرها من البرامج وبصراحة انا مبقتش عارفة أصدق مين وأكدب مين وبحس ان كتير منهم ملوش اى وظيفة غير انه يلعب بأفكار الناس ويحسس الناس انهم معاهم ضد الحكومة وضد المسئولين الفاسدين والعكس صحيح ده غير ان فى بعض برامج بتتعمد تجيب حجات تسىء لمصر وتشوه حال البلد(أىنعم مصر فيها حجات كتير مش حلوة وعايزة تتصلح) لكن مش بالشكل البشع اللى بيجبوه ده بجد الحكاية دى مدايقانى لدرجة انى بدأت أحس ان الاعلام فقد مصداقيته وهدفه الرئيسى والمفروش بدل ميبقى اسمه اعلام يبقى تضليل أو تشويش
انتو معايا فى الكلام ده.. ولا أنا اللى مكبرة الموضوع؟
| |
|
الباش مهندس
عدد الرسائل : 1493 العمر : 34 العمل/الترفيه : طالب بكلية الهندسة بشبرا .. جامعة بنها المزاج : هههههههههههههه المنتدى المفضل : ملفــات شائـكـــة تاريخ التسجيل : 04/12/2007
| موضوع: رد: البرامج ال... الثلاثاء 15 سبتمبر 2009, 9:20 pm | |
| (( و عاد ضياء المنتدى )) أهلا و سهلا بكِ من جديد يا طبيبة المنتدى و يا رب الغيبة دى ماتتكررش و لا تطول كدا تانى أبدًا عودة قوية بموضوع جميل جدًافى الحقيقة البرامج دى فعلا نوع غريب من البرامج .. تشوفى البرنامج ماتقدريش تقولى دا سياسى ولا اجتماعى ولا ثقافى ولا إخبارى ولا ايه بالظبط بس عمومًا هو النوع دا موجود و على مستوى العالم كله مش عندنا بس .. النوع دا يعرف بالـ Talk Show لمعلومات اكتر عن ماهيّة هذه البرامج شوفوا اللينك دا http://en.wikipedia.org/wiki/Talk_showبالنسبة لعددها و انه بقى كبير زيادة عن اللازم كدا ، فدا شئ متوقع كأقل نتيجة لزيادة عدد القنوات نفسها ... لما قناة س تعمل ، قناة ص من حقها تقول اشمعنى؟ ؛ و الإعلاميين على قفا مين يشيل .. و دا بيسمح برضه بالتنوع و اختلاف الأذواق ، و من هنا تلاقى ناس تحب برنامج معين أو تكره برنامج معين بسبب اللى بيقدمه او اللى بتقدمه ..نصدق مين بقى دى كلمة انا عايشها من زمااان .. بجد مابقتش اصدق أى حاجة تتقال غير لما تقريبًا تحصل و اشوفها بعينى .. و الموضوع مش على مستوى الفضائيات بس ، بل على مستوى الجرائد و الجرائد الحكومية كمان .. آخر حاجة حصلت ضايقتنى ف الموضوع دا ، عن قرار تأجيل الدراسة ، قبل نزول القرار بحوالى أسبوع قرات فى أحد الجرائد الحكومية خبر فيه رفض شديد اللهجة للقرار من قبل المسئولين و ان القرار دا مش هيتاخد و كدا ، بعد الاسبوع فى نفس الجرنال لقيت خبر قرار بتأجيل الدراسة !! ففعلا المصداقية تقل باستمرار ..و الشعب المصرى أصلا طيب و بسيط و قد يكون سطحى فى ثقافته .. فللأسف البرامج اللى من النوع دا بتستغل الحتة دى فى إقناع الناس باللى عايزين يقولوه .. لو كان دا هجوم على الحكومة أو دفاع عنها .. هجوم على المسئولين أو الدفاع عنهم .. هجوم على الشعب أو دفاع عنه ... أو أيًا كان .. و بمناسبة كلمة تشويه صورة البلد ففيه ناس دا رأيهم فعلا ، ان فيه قنوات موجهة ضد مصر و كدا .. و دا لفت انتباهى بعد الحرب الأخيرة على غزة فى رد فعل الحكومة او الرئيس بمعنى أصح على الكلام اللى اتقال عنه و بخاصةٍ على قناة إخبارية معينة ... لا داعى لذكر اسماءربنا يتوب علينا الموضوع دا مش هنتغلب عليه إلا باننا مانكونش سذجا و نثقف نفسنا فى كل المجالات و نجتهد فى سبيل معرفة المعلومة الصحيحة من أهلها ...شكــرًا يا lovelycat ع الموضوع الجميل و الحوار البنّاء الهادف جدًا دا فكرتينا بالذى مضى | |
|
saro2a
عدد الرسائل : 319 العمر : 31 تاريخ التسجيل : 26/08/2008
| موضوع: رد: البرامج ال... الأربعاء 16 سبتمبر 2009, 6:53 pm | |
| وعليكم السلام حمد الله على السلامة يا Lovely cat ويا رب ما تغيبى عننا ابدا تانى وتفضلى منورة المنتدى دايما يا رب
بالنسبة للموضوع فانتى مش مكبراه ولا حاجة هى فعلا بقت حاجة تضايق ربنا يكون فى عون المشاهدين بجد انا بحس بتناقض كبير لدرجة انى بقيت افضل ما اعرفش حاجة عن الدنيا واكون فى عزلة أكتر من انى اعرفها من اى برنامج لأنى اثقة انى لو غيرت القناة هلاقى نفس الموضوع ولكن فيه تناقضكبير فى اسلوب وهدف تناول الموضوع وانا بقالى فترة طويلة مش بتابع اى برنامج منهم
بجد فيه برامج زى ما بتقولى تحسسك انها هدفها الاساءة لمصر رغم ان مقدم البرنامج مصرى بس بجد بيتكلم باسلوب مستفز ومحبط جدا عمرى ما سمعته بيتكلم عن شئ ايجابى فى مصر الا ناردا واللى يزعل ان تقريبا القناة اللى بيتعرض عليها البرنامج واسعة الانتشار وليها نسبة مشاهدة عالية جدا يعنى تلاقى الاتصالات فى البرنامج من كل مكان فى العالم والاسم انه بيعالج مساوئ البلد !!!
وممكن تلاقى برنامج فى نفس وقت العرض وبيتكلم عن نفس الموضوع لكن يفنعك بوجهة نظر تانية ويقول حاجات مختلفة تسبب التضليل اللى بتقولى عليه
فعلا الاعلام فقد مصداقيته
الحل مش هلاقى حل أفضل من اللى قاله الباش مهندس ويا رب نقدر ننفذه ونرتقى تقبلى مرورى
| |
|
nour
عدد الرسائل : 330 العمر : 32 العمل/الترفيه : دخلت الجامعة خلاص المزاج : مبسوطة تاريخ التسجيل : 25/06/2008
| |