مكتبه الكتب لمنتدى L'ART

احب ان ابدأ الموضوع اللى بصراحه والله لما فكرت فيه عجبتنى فكرته جدا ..
هو عباره عن ان العضو يضع كتاب بيحبه هنا سواء كان هيتحمل او يضعه فى الموضوع نفسه
وسيتم وضع الكتاب اسبوعيا يعنى انا هبدأ بالكتاب العضو اللى بعدى يعلق على الكتاب اللى انا اعرضته دا ويقول رأيه ويقول انا هعرض كتاب الاسبوع القادم كذا وميعرضوش الا يوم الاحد القادم الموافق 3/2/2008 م ..ويا ريت الكل يقرأ الموضوع مش هقبل رد زى :" شكرا " "موضوع رائع"عايزه التعليق على الكتاب بكل صراحه ...وشكرا ولكم منى اول كتاب وهو :
دليل الوالدين الى تنشئة الطفل
د. محمد عماد الدين اسماعيل
الهيئة العامة للكتاب
مكتبة الأسرة
موضوع الكتاب : فن التعامل مع الطفل من لحظة الميلاد حتى مرحلة المراهقة
فقرة مختارة من الكتاب:
مرحلة المراهقة مرحلة عدم استقرار نسبياً، كما قلنا، والمراهق يتقلب فيها فى عدد من الحالات الانفعالية. وقد يكون من المحير للكبار تقلب اتجاهات المراهقين نحوهم، فبينما يطلب المراهق المعونة والنصح يوماً من أبيه أو مدرسه ويعبر عن شكره الزائد لذلك وينفذ النصيحة في حينها، نراه فى اليوم التالى يتضايق إذا اقترحت عليه أقل اقتراح وقد يعلن لك انه اصبح فى سن يستطيع فيه ان يعرف الصواب اكثر من اى شخص اخر.
ويجب على الاباء والمدرسين ان يتقبلوا ويتفهموا هذا التقلب بين المتتناقضات و الانحراف السريع من الاعتماد الكلى الى الاستقلال الكلى وذلك ان كانوا يرغبون حقيقة فى مساعدة ابنائهم فما هذه التغيرات الا محاولة لايجاد حل لمشاكلهم الانفعالية و ان التأرجح بين الاعتماد الكلى الذى يتصف به الاطفال الى الثورة والتمرد سببه عاملان متضاربان فهو أولاً يود ان ينمو ويقف على رجليه وهو ثانياً يود أيضاً ان يستمر معتمداً على غيره حتى يتهرب من المسئولية والمضايقات وهو فى أى طريق من هذين الطريقين لا يشعر الا بالرضا التام لأنه فى مرحلة انتقالية يلزمه فيها بعض الوقت حتى يتخلص من القديم ويحل محله الجديد وعندئذ يبدأ فى الاستقرار ولا يجوز ان نتوقع الاستقرار قبل ذلك.

اللفكره عموما كويسه اوى ولو انى اعتقد صعب تطبيقها الا اذا حذفتى كلمه كتاب و استبدلتيها بكلمه فقره من كتاب يعنى مش كتاب بحاله لانه صعب انك تكتبى كتاب بحاله و كمان بصؤاحه صعب على انى اقعد اقرا كتاب بحاله فى وقت قصير معايا ؟ و الا ليكى راى تانى ؟؟

يعنى انا دلواتى محتار هل اعلق على الجزئيه دى بس من الكتاب و الا انتظر انك حاتكتبى تانى و انا اقول راى فى الموضوع كله ؟

مشكوره يا احمد على الاضافه الجميله جدا وفعلا دا كان قصدى ..
لان اكيد العضو لو نزل كتاب المعظم مش هيقرأه ..
ولك جزيل الشكر ومنتظره منك التعليق
ملكه مصر

فكرة جميلة جدا يا ملكة
لكنى برده محتار زى ابو حميد

اقتباس :: يعنى انا دلواتى محتار هل اعلق على الجزئيه دى بس من الكتاب و الا انتظر انك حاتكتبى تانى و انا اقول راى فى الموضوع كله ؟

فماعلش ممكن توضحى اكتر؟

انت اكيد شفت انا عارضه طريقه كتابى ازاى . عرضت جزء منه وليس الكل حتى لا يمل العضو من قراءه الموضوع ..
ولكنى عرضت موضوع الكتاب فوق ..
اهو بقا المطلوب من كل عضو انه يسير على هذا المنوال ..
وشكرا لكم واسفه على التاخير فى الرد
ويا ريت اللى يدخل بعدى يعرض كتابه