من عجائب القدماء المصريين 2

مسله حتشبسوت

تميز القدماء المصريين و الفراعنه فى قدرتهم الغريبه على التعامل مع الاشياء الثقيله زى ما قلت فى موضوعى السابق عن الطريقه الغريبه اللى بنو بيها الاهرامات و حاقول لكم على حاجه تغيظ بجد لسه عارفها من وقت قريب

مسله حتشبسوت الموجوده حاليا فى معبد الدير البحرى بالاقصر ارتفاعها حوالى 33 متر يعنى حوالى 10 ادوار من عماراتنا المتوسطه ووزنها 400 طن يعمى 400000 كيلو يعنى ممكن تتخيلو الوزن الرهيب ده
تم نحت المسله دى من جبال صخريه فى اسوان طبعا النحت تم بطريقه افقيه يعنى شكلها النهائى حاتبقى مسله نايمه على الارض
و تم نقلها الى الاقصر لوضعها فى المعبد ( معبد الدير البحرى فى الاقصر ) المهم فى الموضوع ان اعضاء بعثه الاثار مصريين و اجانب وجودو بعض النقوش الفرعنيه على المسله باللغه الهيروغليفيه
فلما ترجمو الكلام اللى لقوه وجدو ان النقوش دى عباره عن رساله تحدى من المهندس اللى عملها و بيقول بالنص ما معناه ان احنا مش حانتحداكم فى ازاى نقلناها من اسوان لغايه الاقصر لكن نتحداكم لو نعرفو ازاى تنصبوها من وضعها النائم على الارض علشان تقف على قاعدتها اللى هى لوحدها وزنها حوالى 122 طن
و طبعا مش عاوز افكركم احنا اد ايه تعبنا و عملنا استعدادات كامله و اوناش و عربيه نقل ضخمه بجرار علشان ننقل تمثال رمسيس من مكانه اللى وزنه 80 طن فقط يعنى اتوحلنا فى وزن هايف زى تمثال رمسيس
انا شخصيا اتوحلت فى فك موتور عندنا فى الشغل علشان نعمل له صيانه دوريه استعنت ب 3 عمال شغلتهم الاصليه هى العتاله و خمس عمال عاديين وونش كهرباء حموله 5 طن و الموتور نفسه زنه 2.5 طن بس و كمان واحد من العمال اتعور و راح المسنشفى

عندك حق يا ابو حميد
الفراعنة عباقرة بكل المقاييس
ولكن احنا عندنا مشكلة كبيرة
احنا دلوقت شاطرين جدا فى الكلام عنهم
وبنفتخر بيهم فى الراحة والجاية
ومش بنحاول (او معظمنا مش بيحاول) نعمل حاجة م اللى عملوها
ومش بنسعى لكده
فيا ترى ايه السبب؟؟؟؟

فراعنه بقى نقول ايه