إسأل إستشير

موضوع: إسأل إستشير الإثنين 11 فبراير 2008, 10:39 pm

لو فى أى حد عنده سؤال فى الدين من اى نوع يكتب السؤال بتاعه فى رد ياجماعه وأنا إن شاء الله هرد عليه بقدر علمى ان شاء الله وان شاء الله كلنا نستفيد

اشكرك يا كونت على فكرتك الرائعة دى
احنا فعلا محتاجين لحد يكون على دراية دينية نسأله ويجاوبنا
وانا عندى سؤال وهو ...........
فى سورة الرحمن تكرر قول ...... (فبأى آلاء ربكما تكذّبان)
فلمَ المخاطَب أتى فى صيغة المثنى؟؟؟
أفادكم الله

بص ياباشمهندس الخطاب هنا أتى فى صيغة المثنى لأنه لنوعين إثنين من الخلق هما الإنس والجن أى فلم تكذبان أيها الإنس والجن

جزاك الله كل خير على الإفادة يا محمد

موضوع: رد: إسأل إستشير الأحد 30 مارس 2008, 11:40 am

لو سمحت يا كونت انا عندى استفسار بسيط
بخصوص تفسير الأحلام
هل فعلا في حاجة اسمها تفسير الأحلام بالقرآن

موضوع: رد: إسأل إستشير الأحد 30 مارس 2008, 8:28 pm

فى فعلا حاجه اسمها تفسير الاحلام والدليل قصة سيدنا يوسف المذكوره فى القران
عندما كان فى السجن وفسر رؤيا السجينان اللذان كانا معه
قال تعالى (قال احدهما انى ارانى اعصر خمرا وقال الاخر انى ارانى احمل فوق راسى خبزا تأكل الطير منه نبئنا بتأويله انا نراك من المحسنين)
وفسر ايضا رؤيا الملك قال تعالى ( انى ارى سبع بقرات سمان يأكلهن سبع عجاف وسبع سنبلات خضر وأخر يابسات) راجع الربع الثانى فى صورة يوسف
وأيضا كان الرسول صلى الله عليه وسلم يفسر الاحلام فى روايات كثيره مشهوره منها انه رأى صلى الله عليه وسلم أن يشرب لبنا وبقى منه فضله فأعطاها عمر بن الخطاب وفسر ذلك بالعلم لسيدنا عمر
وأشعر العلماء تفسيرا للأحلام الامام الثقه الفذ محمد بن سيرين وله كتب كثيره فى ذلك
أما فى الوقت الحاضر فمعظم برامج تفسير الاحلام ماهى الا خدعه كبيره نضحك بها على انفسنا ..... ده رأيى
ياريت اكون افدتك يا لفلى كات

موضوع: رد: إسأل إستشير الأحد 30 مارس 2008, 8:56 pm

يعنى أفهم من كده ان فى العصر ده مفيش حاجة اسمها تفسير أحلام وان دى بدعة ولا ايه

موضوع: رد: إسأل إستشير الأحد 30 مارس 2008, 9:02 pm

ممكن اقدر اقولك ان فى العصر الحالى 99 فى الميه افاقين وبيضحكوا على الناس

موضوع: رد: إسأل إستشير الأحد 30 مارس 2008, 10:43 pm

بعد إذنك يا كونت

يا lovelycat لو كلامنا عن الأحلام و الرؤى لذاتها فساعات بتتحقق فعلا و المفروض ان علم تفسير الرؤى و الأحلام ده علم له مكانته و الدليل ... اقرى سورة يوسف
بسم الله الرحمن الرحيم
إِذْ قَالَ يُوسُفُ لِأَبِيهِ يَا أَبتِ إِنِّي رَأَيْتُ أَحَدَ عَشَرَ كَوْكَبًا وَالشَّمْسَ وَالْقَمَرَ رَأَيْتُهُمْ لِي سَاجِدِينَ قَالَ يَا بُنَيَّ لاَ تَقْصُصْ رُؤْيَاكَ عَلَى إِخْوَتِكَ فَيَكِيدُواْ لَكَ كَيْدًا إِنَّ الشَّيْطَانَ لِلإِنسَانِ عَدُوٌّ مُّبِينٌ .........
....... وَرَفَعَ أَبَوَيْهِ عَلَى الْعَرْشِ وَخَرُّواْ لَهُ سُجَّدًا وَقَالَ يَا أَبَتِ هَـذَا تَأْوِيلُ رُؤْيَايَ مِن قَبْلُ قَدْ جَعَلَهَا رَبِّي حَقًّا وَقَدْ أَحْسَنَ بَي إِذْ أَخْرَجَنِي مِنَ السِّجْنِ وَجَاء بِكُم مِّنَ الْبَدْوِ مِن بَعْدِ أَن نَّزغَ الشَّيْطَانُ بَيْنِي وَبَيْنَ إِخْوَتِي إِنَّ رَبِّي لَطِيفٌ لِّمَا يَشَاء إِنَّهُ هُوَ الْعَلِيمُ الْحَكِيمُ
صدق الله العظيم
لكن لو هنتكلم عن برامج النهارده فانا عن نفسى مابحترمش معظمها و مابحترمش معظم اللى بييجوا فيها .. تفسير الأحلام و الرؤى له جهة دينية و مع ذلك تلاقى المذيعة قاعدة كاشفة شعرها و دالقة ماكياج أد كده على خلقتها و الراجل اللى بيفسر منبهج و مبسوط جدا ولا الأحلام اللى بتتحكى بقى و الموضوع اصبح بيزنس .. عشان تكلم الشيخ مرجان اتصل بـ زيرو تسعماية زيرو تمنمية و تلاتين او ابعت إس إم إس من موبايلك على رقم أربع أصفار ..... احنا مش عايزين نجيب فى سيرة الغايبين اكتر من كده
هذا و الله أعلى و أعلم

موضوع: رد: إسأل إستشير الأحد 30 مارس 2008, 11:03 pm

طب دلوقتى يا باشمهندس اللى بيشوف احلام وبتفضل شاغلة باله ومحتاج لتفسيرها يسأل مين ولا يدور فى كتب ايه

و الله يا lovelycat أنا عن نفسى ما حصليش حاجة تخلينى اهتم بالبحث عن المفسرين لكن طالما انتى عايزة حد فانا هدوّر لك ان شاء الله و اعتقد ان (الشيخ سالم) اللى بييجى فى (قناة الناس) الفضائية .. كويس و معظم الناس اللى انا شفتهم بيسمعوا القناة دى بيشكروا فيه و هو بيفسر احلام و خريج صيدلة (الأزهر) على فكرة فلو الموضوع مهم بالنسبة لك تقدرى تتصلى بيه فى البرامج اللى بيقدمها .. لو تحبى اشوف لك مواعيد برامجه و اقول لك عليه

و لو عايزة كتاب فانا لقيت كتاب اسمه تفسير الأحلام لابن سيرين و الناس شكرت لى فيه بس انا بصراحة ماقريتوش فلو حملتيه و ماعجبكيش قولى لى وانا اجيب لك كتاب تانى
الكتاب بصيغة PDF
للتحميل
www.al-mostafa.com.pdf" class="postlink" target="_blank" rel="nofollow"> إسأل إستشير Up

هذا و الله أعلى و أعلم

موضوع: رد: إسأل إستشير الإثنين 31 مارس 2008, 3:25 pm

طيب انا مغلطتش فى حاجه ياباشمهندس و على العموم شكرا على الكتاب

موضوع: رد: إسأل إستشير الإثنين 31 مارس 2008, 3:31 pm

الكونت العاشق كتب:

آسف جدًا يا كونت لكن الظاهر انك فهمتنى غلط انا ماكنتش اقصد اللى فهمته انا حبيت اقول بس وجهة نظرى خصوصًا بالنسبة للبرامج
و لا شكر على واجب يا عم

موضوع: رد: إسأل إستشير الإثنين 31 مارس 2008, 9:35 pm

ياعم انت اللى فهمتنى غلط هوه انا اطول ان واحد زيك يعقب على كلامى و شكرا على الكتاب مره تانيه

موضوع: رد: إسأل إستشير الأحد 06 أبريل 2008, 12:43 am

الكونت كتب:

ربنا يخليك يا كونت .. و شكرًا على كلامك الرقيق جدًا جدًا ده .. ده من ذوقك و الله

موضوع: رد: إسأل إستشير الأحد 06 أبريل 2008, 12:40 pm

لا شكر على واجب ياابو حميد ده احنا اخوات

انا عندى سؤال مهم جدا وارجو افادتى فيه
هناك ايه فى القرآن تقول ( نساؤكم حرث لكم فأتوا حرثكم أنا شئتم )
ما معنى الايه ؟ وما تفسيرها فى وجه الجماع بين الرجل والزوجه ؟
ارجو الافاده

تفسير ابن العثيمين قوله تعالى: { نساؤكم حرث لكم } يعني زوجاتكم موضع حرث لكم، كما تكون الأرض حرثاً للزارع يبث فيها الحب؛ فيخرج الحب، وينمو، ويُنتفع به؛ كذلك النساء بالنسبة للرجال حرث يضع فيها الإنسان هذا الماء الدافق، فينزرع في الرحم حتى ينمو، ويخرج بشراً سوياً. من فوائد الآية: أن النساء حرث للرجال؛ بمعنى موضع زراعة , ومنها: أن الرجل حرٌّ في الحرث: إن شاء فعل؛ وإن شاء لم يفعل؛ لكن عليه أن يعاشر زوجته بالمعروف , ومن فوائد الآية: جواز إتيان المرأة في محل الحرث من أيّ جهة؛ قوله تعالى: { فأتوا حرثكم أنى شئتم}. قوله تعالى: { فأتوا حرثكم }: الفاء للسببية، أو للتفريع؛ والمراد بـ «الحرث» هنا موضع الحرث - وهو الفرج -. قوله تعالى: { أنى شئتم } أي من حيث شئتم؛ فـ{ أنى } ظرف مكان؛ والمعنى: ائتوا هذا الحرث من أي جهة شئتم؛ من جهة القبل - يعني الأمام -؛ أو من جهة الخلف؛ أو على جنب؛ المهم أن يكون الإتيان في الحرث؛ وقد زعمت اليهود أن الرجل إذا أتى امرأته من دبرها في قبلها صار الولد أحول؛ وكذبوا في ذلك؛ وقد أنزل الله تكذيبهم في هذه الآية: { نساؤكم حرث لكم فأتوا حرثكم أنى شئتم }. وفي تفسير السعدي قال : مقبلة ومدبرة غير أنه لا يكون إلا في القبل, لكونه موضع الحرث, وهو الموضع الذي يكون منه الولد. وفيه دليل على تحريم الوطء في الدبر, لأن الله لم يبح إتيان المرأة إلا في الموضع الذي منه الحرث. وقد تكاثرت الأحاديث عن النبي صلى الله عليه وسلم في تحريم ذلك, ولعن فاعله

لا كده تمام اوى يا باش مهندس شكرا للسرعه فى الافاده جزاك الله كل خير يا اخى

لا داعى للشكر يا مشمش
فلا شكر على واجب