فداك أرواحنا...يا حبيبنا

فداك أرواحنا .. يا حبيبنا

الاساءة الى نبى الرحمة .. كلاكيت تانى مرة .. فداك أرواحنا...يا حبيبنا Arabic166smallpj5

(1)الزمان:2006 (2)الزمان:2008
المكان: الدنمارك والنرويج المكان: الدنمارك
الحدث: نشر صور مسيئة لنبى الرحمة والانسانية فى جرائد تلك الدول.
الهدف: تشويه صورة الاسلام وشخص الرسول الكريم صلى الله عليه وسلم.
لحد امتى ؟؟ فوقوا يا مسلمين ! ! !
قال الله تعالى(وما ارسلناك الا رحمة للعالمين)..
قال رسول الله صلى الله عليه وسلم: " لا يؤمن أحدكم حتى أكون أحب اليه من والده وولده والناس أجمعين ".
أفضل مخلوقات ربنا .. حبيب الله .. سيد ولد آدم أجمعين .. رسولنا اللى أدى الأمانة وحمل عاتق الاسلام على أكتافه .. هو الأمين بشهادة أعداؤه .. هو الصادق المرضى عند الله .. هو اللى مسح دمع اليتيم .. وعطف على كل أرملة ومسكين .. وفى يوم من الأيام بكى عليكم يا مسلمين ! !
قال:"اشتقت الاخوانى , قالوا: أولسنا اخوانك يا رسول الله ؟
قال: لا .. أنتم أصحابى .. أما اخوانى فقوم يأتون من بعدى يؤمنون بى ولم يرونى"....
وحشت الرسول من 1400 سنة .. يا ترى وحشك تشوف الرسول ؟؟

أعظم انسان أنجبته البشرية(حبيبنا)بيتهان فى القرن الواحد والعشرين على أيد راسم كاريكتير دنماركى يصوره بأبشع الصور .. والحجة ((حرية التعبير ))...
أى حرية فى الدنيا دى اللى تؤذى مشاعر أكتر من مليار مسلم ! ! ...
شاهت الوجوه .. وشلت الأيدى يا رسول الله

تخيل معايا يوم القيامة والرسول بينادى عليك باسمك ويناولك شربة من نهر الكوثر بيده الشريفة ..
تخيل وهو فرحان بيك .. وبيقول فلان دافع عنى .. وتحرك لنصرتى ..
والله هنسأل يوم القيامة عملنا ايه عشان ننصر رسولنا ..؟؟
دقا القلوب بتعلى .. عايزين نعمل حاجة لرسولنا .. طب ازاى ؟؟؟
أقولكم

أولا:مقاطعة كل البضائع الدنماركية .. وقد أفتى بذلك الشيخ القرضاوى .
ثانيا:نصر الرسول الكريم بتطبيق سنته ومنها:
لبس النعال فى اليمنى والخلع فى اليسرى - التنفس خارج الاناء عند الشرب والشرب على ثلاث مرات - صلاة الضحى - المحافظة على السنن والرواتب - صيام ثلاثة أيام من كل شهر 13و14و15 - الترديد مع المؤذن حين الأذان - النوم على وضوء - المصافحة - ملازمة السواك - الاضجاع بعد سنة الفجر على الجنب اليمين - صلاة الوتر - السلام على من عرفت ومن لم تعرف - اخبار من تحبه بأنك تحبه فى الله
(((تيجوا نتفق نطبق سنة كل اسبوع ونداوم عليها)))
ثالثا:الاكثار من الصلاة على رسول الله عليه الاصلاة والسلام

وأخيرا
فداك أرواحنا وأنفسنا وأموالنا وآباؤنا وأمهاتنا يا رسول الله .. سنسعى لنصرتك حتى تلقانا وتفرح بنا ..
ورسالة للدنمارك: الا محمد صلى الله عليه وسلم فهو أغلى ما لدينا ...

موضوع أكثر من رائع يانهلة

وفعلا احنا لازم نطبق سنة الرسول والا مش هنفرق عن غير المسلمين

شكرا جزيلا يا نهلة على الموضوع العظيم ده
و احنا لازم ننصر الرسول عليه الصلاة والسلام بشتى الطرق والوسائل

تسلمى يانهله ويارب الاعضاء كلهم يستفادوا من الموضوع الرائع ده