hamada salah
عدد الرسائل : 568 العمر : 33 العمل/الترفيه : طالب بكلية العلوم جامعة حلوان المزاج : مخنوووووووق أوي المنتدى المفضل : منتدى العلوم تاريخ التسجيل : 09/01/2008
| موضوع: مباراة الصعايدة والفلاحين الثلاثاء 04 مارس 2008, 12:21 am | |
| كابتن هريدى يحيكوا من الملعب بتاعنا احنا و عليا الطلاج بالتلاته الملعب بتاعنا احنا .
وزى ماحنا شايفين الاستاد مليان على اخره تسعين الف متفرج مش فاهمين حاجة واصل فى الكوره .
و بيتوسط المجصورة الرئيسيه المعلم عماشه ابو الضبع و حرمه اكبر تاجر شكاير اسمنت فاضيه و هو اللى هيسلم البلاص للفريج الفايز .
_ و زى ماحنا شايفين الفرجتين نازلين ارض الملعب يدلعوا دليع و الفريج بتاعنا نازل بالزى الرسمى بتاعه وهو العمم البمبى و الجلاليب البيضا المخططه لبنى بالطول و الجزم البنى المربوطة بفتله من جدام .
_ وبيمثل الفريج بتاعنا النهارده فى حراسة المرمى الكابتن عمار ابو خلف الله و خط الدفاع فيه الشمندى و الجماوينى و الاعرج و الدمرانى على فكرة يا جماعة الدمرانى ده اصغر لعيب فى الملعب عنده اتنين و تمانين سنه و كان بيلعب مع الاشبال تحت سن سته و سبعين سنه . خط النص من تلاته هم : قناوى و المنياوى و الجرجاوى اما فى الهجوم تلاته برضه هم : عسران و وهدان و معاهم نجم نجوم الفريج حمدان ابو خطوة و هو لابس الجلابية رقم متين و اربعين ياريت الكاميرا تجيبهولنا وهو بيربط حبل السروال بتاعه .
و زى ماانتو شايفين الارض بتاعتنا خرسانيه مسلحه مش نجيله زى ملاعب الخنافس يعنى اللى هايجع مش هايجوم تانى والملعب عليه اربعين غفير ببندقيه عشان يطخوا اى لاعيب يتسلل !
و الجهاز الطبى للفريقين بيتكون من اتنين داكاتره وهم الاسطى رجب حلاق الكفر و المعلم خشبه حانوتى المركز و معهم المساعد مسعود تاجر البصل و هو جايب معاه شوال بصل عشان يفوق ويصحصح اللاعيبه
_ بيحكم الماتش النهارده الكابتن الكبير ابو العينين الكفيف .
_ مع اول طلجه من مسدس الحكم يبتدى الماتش بهجمه سريع للفريج بتاعنا
و الكرة مع حمدان و بينفرد بالجون و يجتله و يشوط الكرة فى العارضة
و الحكم يضرب نار معلنا فاول على حارس المرمى و يعترض اللاعب شرقاى
واللاعب قليوبى من فريج الفلاحين و يعترض معهم جمهور الفلاحين و يلقى
الحكم بالطماطم و البطاطس و البيض المسلوج .
و ترد الجماهير الصعايده بالقنابل و الديناميت
و يولع الماتش حريجة و تيجى المطافى و الماتش يتلغى بفوز الحكم
اتناشر صفر .
و كان معكم من وسط هذه الاحداث المعلق الرياضى هريدى عبد الغفور من
امام تلاجة الميه اللى فى الكشك بتاع السجاير بتاع الواد ابو العلا ولد البت نبويه جارتنا ....... | |
|
محمد محمود على
عدد الرسائل : 26 تاريخ التسجيل : 05/02/2008
| موضوع: رد: مباراة الصعايدة والفلاحين الثلاثاء 04 مارس 2008, 2:16 am | |
| على فكرة مش عارف اقولك اية بس المبارة دى سمعتها قبل كدة
ملحوظة عاوزين جديد | |
|
lovelycat
عدد الرسائل : 310 العمل/الترفيه : كلية طب المزاج : رومانسية تاريخ التسجيل : 24/01/2008
| موضوع: رد: مباراة الصعايدة والفلاحين الثلاثاء 04 مارس 2008, 11:33 am | |
| جميلة اوى يا حمادة وعلى فكرة انا اول مرة اسمعها ومش قديمة ولا حاجة | |
|
الكونت
عدد الرسائل : 613 العمر : 35 العمل/الترفيه : كلية الصيدله المزاج : محب للحياه والحياه ما بتحبوش... الدنيا ملطشه معاه بس لسه صامد تاريخ التسجيل : 15/01/2008
| موضوع: رد: مباراة الصعايدة والفلاحين الثلاثاء 04 مارس 2008, 4:56 pm | |
| جميله أوى ياحماده بس هى فعلا قديمه يانهله ونازله على التليفونات بالصوت | |
|
بلاك وتر
عدد الرسائل : 1 تاريخ التسجيل : 14/10/2011
| موضوع: رد: مباراة الصعايدة والفلاحين الجمعة 14 أكتوبر 2011, 10:43 pm | |
| مشكوررررررررررررررررررررررررررررررررر | |
|