L'ART Forum

VoUs NoUs TrOuVeReZ ToUs SuRpRiS
 
الرئيسيةالبوابةالتسجيلدخول

شاطر | 
 

 بطريق مبسطه كيفية انعاش القلب والتنفس الجزء الأول

اذهب الى الأسفل 
كاتب الموضوعرسالة
الكونت
مشرف
مشرف


ذكر عدد الرسائل : 613
العمر : 30
العمل/الترفيه : كلية الصيدله
المزاج : محب للحياه والحياه ما بتحبوش... الدنيا ملطشه معاه بس لسه صامد
تاريخ التسجيل : 15/01/2008

مُساهمةموضوع: بطريق مبسطه كيفية انعاش القلب والتنفس الجزء الأول   الثلاثاء 04 مارس 2008, 6:19 pm

بسم الله الرحمن الرحمن
C/P/R انعاش القلب والتنفس
بصوا ياجماعه القاعده الاولى عندنا اسمها
check
call
care
ودى معناها اننا قبل منفحص الشخص المصاب نعمل فحص لمكان المصاب فلو مثلا اصابته دى نتجت عن طريق صدمه كهربيه لازم نبص للارض كويس ونبعد أى مصدر كهربى عن المكان وبعد كده نطلب الاسعاف وبعدين كخطوه اخيره نعمل الاسعافات الاوليه للمصاب واللى هتكون كالأتى
اولا الاسعافات الاوليه للشخص البالغ يعنى من 8 سنوات فيما اكثر
1-نتأكد من النبض والتنفس بالطرق المعروفه زى الاحساس مثلا
لوماكنش فى نبض وتنفس أول حاجه نعملها نحط ايد على جبهة المصاب والايد التانيه تحت زقن المصاب ونرجع رأسه للخلف ليه علشان نأمن مجرى الهوا ونخليه مفتوح ونتفادى انزلاق اللسان فيه ثم نقوم بامالة الرأس الى احد الجانبين حتى نتفادى اختناق المصاب إذا حدث قئ وبعدين نبدأعملية الإنعاش اللى هيه بسيطه جداً وهى كالأتى
ندى تنفسين صناعيين للمصاب فى فمه ونستنى نلاحظ ان الصدر بيرتفع وينخفض وبعدين
نحدد مكان الغضروف الخنجرى ودى ياجماعه العظمه البارزه اللى فى القفص الصدرى فى المنتصف بالظبط ونحط عليها ايد ثم نضع اليد الاخرى على اليد الاولى ونضغط عليه مع ملاحظة ان احنا منضغطش
بإيدنا بس لا الضغط لازم تنزل بجسمك كله وتطلع بجسمك كله ةعلشان متتعبش بسرعه مع ملاحظة ان دراعك لازم يكون مفرود واوعى ينتنى منك يعنى باختصار خلى دراعك فى وضع عمودى على صدر المصاب واضغط بالطريقه دى 15 ضغطه متتاليه وبعدين إدى نفسين تانيين زى اللى قبل كده بالظبط مع ملاحظة انك لازم تسد انف المصاب يعنى تضغط عليها وانت بتدى النفسين علشان الهوا ميتسربش اوك لحد دلوقتى ماشى
نكرر الدوره دى 4 مرات ونحاول بقدر جهدنا اننا نخلى الاربع دورات دول فى دقيقه واحده يعنى لازم منتوترش ونشتغل بسرعه وخليك فاكر مادمت انت ماسك اعصابك كل حاجه تمام
نرجع لموضوعنا بعد كل اربع دورات نفحص النبض والتنفس
غالبا بعد ماالنبض يرجع التنفس بيروح فلازم ندى 12 نفس صناعى متتالى ونلاحظ انهم يكونوا فى دقيقه كامله بنفس الطريقه يعنى تسد انف المصاب وتدى نفس لحد ماالصدر يرتفع وبعدين تسيب النفس يخرج تانى وندى نفس تانى وهكذا
استمر بهذا حتى يعود المصاب الى وعيه أو حين تصل سيارة الاسعاف اللتى قد طلبتها قبل ذلك
أو حين تشعر بالارهاق الشديد واحذر ان تستمر مع الارهاق الشديد لان فى ذلك خطر على حياتك
ملاحظات هامه
1- لو احنا وجدنا المصاب ده عنده كسور فى القفص الصدرى اللى هو مكان الضغط انت ساعتها هتعمل ايه اوعى تقول لنفسك ان انا لو ضغطت ممكن أأذيه اكثر لا انت لازم تعمل الضغطات دى ومالكش دعوه بالنتائج لان كل ثانيه بتضيع منك فى التفكير بتضيع معاها امل انه ممكن يفوق
تانى وحتى لو فاق ممكن تكون عنده عاهه مستديمه لان الخلايا اللى مبيوصلهاش الاوكسيجين بتموت
ولاحظ انك بتضغط على عظمة القص ودى قويه جدا متقلقش هتستحمل

ياريت تكونوا استفدتم وعلى فكره انا اللى كاتب ده بإيدى يعنى لو فى حاجه مش واضحه اوى ممكن تستفسروا عنها وانا تحت امركم ان شاء الله
الى اللقاء مع الجزء الثانى وهو انعاش القلب والتنفس للطفل والرضيع
والسلام عليكم ورحمة الله وبركاته
[img]
الرجوع الى أعلى الصفحة اذهب الى الأسفل
http://www.cont.nireblog.com
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: بطريق مبسطه كيفية انعاش القلب والتنفس الجزء الأول   الأربعاء 05 مارس 2008, 4:13 pm


حقيقى رائع يا كونت
مش مجاملة والله
و شكرًا على المعلومات المهمة جدًا دى
الرجوع الى أعلى الصفحة اذهب الى الأسفل
https://www.youtube.com/user/amido2000
hamada salah
مشرف
مشرف


ذكر عدد الرسائل : 568
العمر : 28
العمل/الترفيه : طالب بكلية العلوم جامعة حلوان
المزاج : مخنوووووووق أوي
المنتدى المفضل : منتدى العلوم
تاريخ التسجيل : 09/01/2008

مُساهمةموضوع: رد: بطريق مبسطه كيفية انعاش القلب والتنفس الجزء الأول   الأربعاء 05 مارس 2008, 11:47 pm

موضوعك رائع فعلا ياكونت

وأروع حاجة انك كاتبه بايدك يارب بقى تجيبلنا حاجات زي دي كتير

_________________
الرجوع الى أعلى الصفحة اذهب الى الأسفل
http://www.arts.forum.st
lovelycat
مشرف
مشرف


انثى عدد الرسائل : 310
العمل/الترفيه : كلية طب
المزاج : رومانسية
تاريخ التسجيل : 24/01/2008

مُساهمةموضوع: رد: بطريق مبسطه كيفية انعاش القلب والتنفس الجزء الأول   الخميس 06 مارس 2008, 2:30 pm

الموضوع حلو اوى
بس كان ناقصه صور توضيحية لكيفية عمل تنفس صناعى
عشان بس اللى مش قادر يتخيل الوضع يقدر يتخيله
ودى صور بتوضح عملية التنفس الصناعى

















الرجوع الى أعلى الصفحة اذهب الى الأسفل
الكونت
مشرف
مشرف


ذكر عدد الرسائل : 613
العمر : 30
العمل/الترفيه : كلية الصيدله
المزاج : محب للحياه والحياه ما بتحبوش... الدنيا ملطشه معاه بس لسه صامد
تاريخ التسجيل : 15/01/2008

مُساهمةموضوع: رد: بطريق مبسطه كيفية انعاش القلب والتنفس الجزء الأول   السبت 08 مارس 2008, 1:29 pm

شكرا ياجماعه على المرور الجميل ده وشكر خاص لطبيبة المنتدى على الصور دى لان انا مبعرفش انزل صور لانى جاهل شويه بالحاجات دى معلش بقى هحاول اتعلم
الرجوع الى أعلى الصفحة اذهب الى الأسفل
http://www.cont.nireblog.com
ahmed adel
فنان شغال
فنان شغال


عدد الرسائل : 82
تاريخ التسجيل : 19/01/2008

مُساهمةموضوع: رد: بطريق مبسطه كيفية انعاش القلب والتنفس الجزء الأول   الثلاثاء 25 مارس 2008, 5:57 pm

الف الف شكر على موضوعك الجميل ده و للمعلومات المفيده دى يا كونت و كمان جزيل الشكر لنهله على اضافتها اللى زودت الموضوع بصور توضيحيه و نرجو المزيد اكتر و اكتر لانها فعلا بتنفع فى شغلى اللى كله كهرباء و عمال شغاله فى الكهرباء
الرجوع الى أعلى الصفحة اذهب الى الأسفل
 
بطريق مبسطه كيفية انعاش القلب والتنفس الجزء الأول
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
L'ART Forum :: O?°'¨ (المنتديات العامه ) ¨'°?O :: منتدى العلوم-
انتقل الى: