ما مدى تصديقك؟

موضوع: ما مدى تصديقك؟ الإثنين 12 مايو 2008, 3:28 pm

السلام عليكم و رحمة الله

فى ظل الارتفاع الرهيب فى عدد الجرائد فى مصر ... يزيد سؤال فى الإلحاح علىّ ألا و هو (ما مدى تصديقك؟)
فكلما افتح صفحة الحوادث .. أرى ما عجب من الكلام ... و لعل من أغربها .... فلان متزوج من حيوان .. و العكس
وصلت المبالغة إلى ذروتها و إذا كان هذا سخيف فالأسخف هو أنّ القارئ صار ينشر هذه السخافات بشكل مستفز و ليس الأمر مقتصر على غرائب بل اشتمل على (كلام فى السياسة) و تصريحات
و صار القارئ الذى يفكر فى حيرة ... أى الأخبار صحيحة و أى الأخبار كاذبة و أى الأخبار مفتعلة و أى الأخبار مبالغة أى الأخبار تنشر كما قيلت و أى الأخبار تنشر (محوجة)
و اقترح علىّ هذا السؤال أن أوجهه إليكم لنتناقش حوله ... فالجهاز الإعلامى ككل و الجرائد بصفة خاصة لها تأثيرها على القارئ .. و هذا الأمر يجبرنا على الوقوف لمناقشة هذه القضية مناقشة جادة

فى كل جرنال وكل خبر فى نسبة صح ونسبة فبركه ماعداا اخبار بسيطه جدا هيا اللى بتبقى صح 100 فى الميه

بصراحة كده يا باشمهندس الجرايد اليومين دول مبقتش زى زمان ابدا
زمان كانت الجرايد بتحترم القراء بتوعها وكان فيه صحفيين محترمين بجد
اما اليومين دول رؤساء تحرير الجرايد بقى كل همهم انه ينزل اكبر قدر من الاعلانات عشان طبعا ميزانية الجريدة تكبر بالاضافة الى فبركة الاخبار وبجد الموضوع ده زاد اوى عن حده اليومين دول
ده كان رأيى ببساطة وطبعا مقدرش انكر ان لسه فيه صحفيين محترمين وشرفاء بس هما بقوا قليلين اوى

شكرًا على مروركم يا جماعة (كونت - lovelycat )

أنا عن نفسى و الله متحير .. مش عارف على أساس ايه اقول بصدق كلام الجرايد ولا لا
التصديق (ان حد يصدق حاجة يعنى) بيكون مصدره الثقة و فى الحقيقة بكل أسف فى الزمن دا (أنا عن نفسى) ما بقتش اثق فى الجهاز الإعلامى كله على بعضه إلا حاجات قليلة جدًا ... أما فى الجرايد فانا ثقتى فى مصدقيتها كل شوية بتقل و خايف اجى فى وقت مانلاقيش أى جرنان بيقول الحقيقة (و لو اننا على وشك نبقى كدا فعلا)
فعندك جرايد الحكومة مثلا ... بتعمل ايه غير تقعد تكتب قصايدة و مقالات مدح فى الحكومة و حبايبنا المسئولين اللى يستاهلوا و اللى ما يستاهلوش .. و ف آخر صفحة يحطولنا كاريكاتير يلتّونا بيه و خلاص
أما المعارضة ... و انا بتحسر انى بقول الكلام دا و لكنه الواقع ... لو فيه مشكلة تطلع تشتم و تسب و تقول ف الاخر (حسبنا الله و نعم الوكيل و السلام عليكم) .. انا مش فاهم و الله .. نقد النقاد اصبح بيتنقد .. يعنى اللى لقا مشكلة يطلع يشتم فى اللى عملها و خلاص من غير ما يفكر و يقترح ليها اكبر كم ممكن من الحلول؟

يعنى بشكل عام نقدر نستعوض ربنا فى النقاد (إلا ما رحم ربى و دول قليلين جدًا) لانهم انقسموا إلى قسمين
* كلاب السلطة .. و دول اللى بيتمحكوا و يقعدوا يمدحوا فى الحكومة
* عيال الشوارع .. و دول اللى بيقعدوا يشتموا و يحدفوا بالطوب من غير ما يغيروا حاجة او حتى يسعوا الى التغيير
و كذلك الأمر بالنسبة للصحفيين و الإعلاميين (إلا ما رحم ربى زى ما قلت)

بس أكيد هييجى الوقت اللى فيه ينصلح الحال .. و كل عام و انتم بخير (ما حدش يحرجنى و يسألنى بمناسبة ايه؟)