تعلم معنا لغات البرمجة!

سلام عليكم اذيكوا يا شباب ان شاء الله تكونوا بخير

اعرفكوا بنفسى الاول :
انا eimo من كلية الحاسبات و المعلومات بجامعة عين شمس .
و عندى فكرة نفسى كلكوا تساعدونى و نحققها ان شاء الله و هى اننا نعمل قسم خاص بالبرمجة و هيكون فيه شرح لكل حاجة انا درستها باذن اللله (سى بلس باس & html) و كمان قريب جدا هيكون معاهم )c#) بس يا ريت بجد يا جماعة تاخدوا الموضوع بجد مش هزار و ده الميل بتاعى عشان لو ح الفكرة عجبتوا و حب يكلمنى فى اى حاجة.
eimo.fcis@hotmail.com
eimo_500@yahoo.com
Cool

الله على البداية العملية جدًا دى يا إيمو
فكرتك طبعًا هايلة و انا عن نفسى همشى معاك درس بدرس
و لو فيه واجبات او تطبيقات هنفذها و اوريهالك برضه
و ياللا ابتدى بقى ... انا مستعد اذاكر من بكرة

اقتراح رائع يا ايمو والله انا كان نفسي اتعلم برمجة من زمان

الف شكر يا جماعة على اهتمامكوا و انشاء الله اول درس فى البرمجة هينزل قريب وهيعلمنا ازاى نفكر فى المشاكل و نحلها .............

اهلا بيك يا EIMO معانا

وبجد الموضوع جميل اوى

واحنا هنتابع الشرح معاك ان شاء الله

انا اسف يا ماعة ان انا متأخر شويةفى ادروس بس و الله العظيم انا كنت مسافر مع معسكر تدريب فى سيناء و كنت مشغول اوى الفترة الى فاتت انا بجد اسف

على فكرة انا اللب بتاعى مهيس يعنى الحروف الضايعة مش منى

:shock: :shock: :shock: :shock:
:au000: كل سنة وانت طيب يا إيمو :au000:

انااااااااااااااااااا معاكوا والباش مهندس يشهدلى ان انا نفسى اتعلم برمجه من زمان

واسألوه *كنت باتعلم على ايده*

وبصراحه الموضوع رااااااااااااائع ومهم جدا

يااااااااااااااااااااااارب يكمل

teehee

طاب ماعلش يا جماعة الظاهر فيه ظروف عند إيمو
فاسمحوا لى انا اتولى الموضوع على الأقل لغاية ما الظروف دى تنتهى
ايمن كان يقصد برمجة الديسكتوب و الويب ... دول نوعين من البرمجة
انا هكلمكم عن النوع الأخير ؛ عن لغة البرمجة اللى بيها تقدر تصمم موقع
أولا عشان الكل يكون فى الصورة .. عشان تعمل موقع مانتش ملزم بمعرفة اللغة دى لان فيه برامج كتيــر و بامكانيات ممتازة لتصميم المواقع
بس طبعًا فيه فرق بين اللى بيستخدم الالة الحاسبة و هو شاطر فى الرياضيات
و اللى بيستخدمها و هو ما يعرفش ان الاتنين بعدها سبعة (سورى اقصد تلاتة) :lol:
اللغة اللى بتستخدم لتصميم المواقع هى لغة الـ HTML
و اكيد سؤالكم دلوقت ايه معنى الاسم دا
الاسم دا عبارة عن اربع حروف كل حرف رمز لكلمة
Hyper Text Mark up Language
لغة معالجة النص الفائق
بيتقال عليها حاجة زى كدا بالعربى (دا على ما اتذكر يعنى)
اللغة دى بعد ما عملوها وجدوا فيها شوية قصور
فبدأوا يدوروا على حاجة يعالجوا بيها القصور دى
فعملوا حاجة اسمها لغات الجافا
و من اشهرها
(Java script language) and (Visual Basic script language)
و فيه لغات تانية بس دول اشهر لغات الجافا و اكثرها استخدامًا

الأساسى فى تصميم الموقع هو HTML و بنستخدم لغة الجافا لما بنلجأ إليها

دى كانت مقدمة و ان شاء الله فى المشاركة القادمة الدرس الأول
عندى طلب بالنسبة للناس اللى هتتابع الموضوع .. هنتفق على حاجة زى واجب كدا فى اخر كل درس يا ريت الناس تحاول تنفذه

موضوع: الدرس الأول الخميس 04 سبتمبر 2008, 3:53 am

الدرس الأول >> الهيكل البنائى

لغة الـ HTML زيها زى أى لغة حاسوبية .. ما هى إلا مجموعة من الأوامر تكتب ثم تنفذ من خلال برنامج
بالنسبة لكتابة الأوامر فدى بتتم من خلال أى معالج كتابة .. اسهل و ابسط و اكتر حاجة بتستخدم فى كدا هى برنامج النوتباد Notepad
أما عن التنفيذ فبيتم من خلال أى متصفح زى Internet explorer مثلا

فى الدرس دا هنتكلم عن الهيكل البنائى للصفحة اللى هنصممها بلغة الـ HTML
لو بصينا على الهيكل دا فهنلاقيه زى ما هو موضح فى الصورة دى كدا

يعنى ايه تايتل و يعنى ايه هيد و يعنى ايه بودى
الصورة التالية هتوضح

ليه https://arts.forum.st ماتكتبتش فى سطر جديد رغم اننا سايبين سطر واحنا بنكتبها فى معالج الكتابة (النوتباد)
يا جماعة زى ما قلنا لغة الـ HTML عبارة عن مجموعة أوامر .. فعشان تبدأ سطر جديد لازم تضيف أمر .. الأمر دا هو br و طبعًا نحطه بين علامتين التنصيص بتوعنا < > بس انا ماحطيتوش بينهم لاحسن المنتدى يقرا الأمر و ينفذه

و الأمر فى لغة الـ HTML زى ماحنا ملاحظين بيتكتب بين < > و الأمر عندنا بيتسمى tag و بالعربى بيقولوا عليه وسم الأمر اللى بنبتديه بننهيه و الكلام دا باننا نحط قبله سلاش (( / )) يعنى و السلاش بتتحط قبل الكلمة بس جوّا القوس < ... / > و مش كل الأمور بنقفلها كدا .. فيه أمور فردية زى بتاع سطر جديد دا و بتاع الصورة زى ما هنعرف برضه

دلوقت فى سؤال .. بعد مانا كتبت الهيكل البنائى و كتبت محتوى الصفحة فى نوتباد .. اعمل ايه عشان اخلق ملف يتفتح بمتصفح الانترنت و ينفذ الأوامر اللى انا كتبتها؟
الموضوع سهل جدًا .. انت بعد ما تكتب اللى انت عايزه فى النوتباد هتدوس على save او save as و بعدين هتكتب الاسم اللى هتحفظ بيه بس الشرط بقى انه يكون بامتداد html او htm
يعنى لو هتسميه (صفحتى الأولى) فهتكتب الاسم كالتالى
html.صفحتى الأولى

مافيش واجب الدرس دا نظرًا لمحدودية المعلومات التى به و لقلتها و الدرس التالى جارى كتابته

فيه سؤال بقى ..

انتو ماتتصوروش انا بعانى أد ايه فى كتابة الدروس بالشكل دا
على ما اصيغ الكلام اصلا بتعب مووووووت يعنى
فعندى اقتراح
لو وافقتوا هيسهل العملية عليا و عاليكم
و لو ماوافقتوش فالكل هيعانى
الاقتراح هو ان التعليم يبقى بالصوت
انا هسجل شرح للدرس بصوتى .. و انتوا تسمعوه
هتكون الأوامر مكتوبة و انا هقف عند كل أمر و اشرح كل حاجة فيه
مستنى رأيكم

السلام عليكم ورحمة الله وبركاته
بجد تسلم ايدك على مجهودك فى الموضوع الجميل ده
فعلا موضوع رائع ومفيد وانا ان شاء الله متابعة
بس للأسف انا حسيت انى ما فهمتش أوى من الدرس الأول
وبيتهيألى ان الأقتراح ده هيبقى افضل
واسهل عليك وعلينا
وجزاك الله خيرا على مجهودك
ومستنية الباقى
وربنا يسهل وتبققى السبب فى تعليمنا كل جديد ان شاء الله
تقبل مروى
وانتظر متابعتى

ربنا يخليك يا ابو حميد على المعلومات الجميله دى
ويارب نكمل كده على طول
بس ياجماعه لازم يكون فى تشجيع اكتر من كده
وانا اول المشجعين
اسف
تانى المشجعين بس كل واحد وتشجيعه
انا بقى بشجع كده
احمد احمد احمد احمد
والفكره اللى انت قولتها جميله جدا لينا وليك
وانا من المؤيدين
وجزاك الله عنا خيرا
teehee

خلاص يا جماعة انا هسجل الدرس الأول الليلادى و ان شاء الله هتلاقوه بكرة موجود

موضوع: الدرس الأول السبت 06 سبتمبر 2008, 5:58 am

هذا هو الدرس الأول مشروح بالصوت زى ما اتفقنا .. للتحميل اضغط على الصورة

:0032:

هتلاقوا غلطة يا جماعة فى الشرح ماعلش
الغلطة دى تخص ..........
عشان لما تقف ع الصورة يظهر لك كلمة معين بنكتب alt="..." جوا أمر الصورة img مش جوّا أمر a و هتلاقوا اللى انا بقوله دا مشدود تحته خط فى الكود المكتوب فى الصورة

صور توضيحية لبعض الأوامر
تعلم معنا لغات البرمجة! Applicationrb1

و ماعلش يا جماعة الصوت مش حلو قوى .. المايك مش نضيف قوى و بعد ما بسجل بضغط الملف اللى سجلته لان مساحته بتبقى كبيرة .. لكن هتفهموا الصوت كويس ان شاء الله
الواجب انا قلت عليه فى اخر الدرس
لما تصمموا التطبيق ارفعوه على أى موقع
من اسهل المواقع فى التعامل
www.2shared.com
و هاتوا لينك تحميل التطبيق .. انا هحمله و اشوفه و هنتناقش فيه
و زى ما اتفقنا مش هنزل الدرس التالى غير لما اعرف الناس فهمت ولا لا .. و لو حد عنده استفسار يسأل

شكرا يا باش مهندس على الدرس الجميل
well done
الحمد لله قدرت أفهم كتييييييير عن الطريقة الأولى
والوصت واضح وكله تمام
هو الواجب ما عرفتش اعمله فى الأول
والحمد لله قعدت اظبط فيه شوية شوية لحد ما عرفت strong smile

ويا رب يكون تمام
ولا ايه يا مستر؟؟؟؟؟ Sad

http://www.2shared.com/file/3890126/21d46826/arts.html

هستنى ردك علشان تصححلى الأخطاء

طاب الحمد لله يا saro2a ان الاسلوب اللى اقترحته نجح
و انا هحمل الواجب و لو فيه اخطاء هبلغك عن طريق الرسائل الخاصة
و دا الأسلوب اللى هيتبع منعًا لإحراج حد
و هيتم التركيز على الأخطاء دى فى الدرس التالى برضه بس مش هتحسوا بكدا .. و المعلومة هتثبت برضه ان شاء الله
جارى تسجيل و رفع الدرس التالى
فانتظروا

موضوع: الدرس الثانى الإثنين 08 سبتمبر 2008, 2:00 pm

سلام عليكم
دا الدرس التانى يا جماعة
:0032:

صورة توضح بعض الأوامر
تعلم معنا لغات البرمجة! Ordersya7

فى انتظار الاسئلة و الاستفسارات لو فيه حاجات مش مفهومة .. و الواجب انا اتكلمت عنه فى اخر الدرس .. ياللا اعملوه و ارفعوه عشان نعمل زى ما عملنا مع الدرس الأول كدا

شكرا يا باش مهندس
والرسالة وصلت الحمد لله
وجارى تحميل الدرس الثانى
وشكرا على مجهودك

ده واجب الدرس التانى
ومستنية رسالتك

http://www.2shared.com/file/3909728/79a5c7cd/arts.html

موضوع: الدرس الثالث الخميس 11 سبتمبر 2008, 10:04 pm

شكرًا على المتابعة يا saro2a
تم تحميل الواجب و جارى فحصه

دا الدرس التالت
:0032:
تعلم معنا لغات البرمجة! Lesson3lj3

شكرا يا باش مهندس
وجارى تحميل الدرس الثالث

شكرا يا باش مهندس على المجهود الجميييييييييل
وبجد مجهود كبير جدا
تقبل احترامى وتقديرى
واتفضل التطبيق

http://www.2shared.com/file/3935018/5ab147e3/arts.html

شكــرًا saro2a على التجاوب الجميل دا
و جارى التحميل و ستتم المناقشة بالطريقة المعتادة

و جارى تسجيل و رفع الدرس التالى