أنا اللى حلمى سجنّى

>1<
أنا اللى حلمى سجنّى
و العمر ضاع ف التمنّى
أنا اللى حلمى سجنّى
و العمر ضاع ف التمنّى
كان حلم عمرى اغنى
و الحظ فاتنى .. فاتنى وحيد

>2<
آاااااااااااااااااااااااااه

>1<
لا الفن كان من نصيبى
ولا حتى يوم كان بإيدى
لا الفن كان من نصيبى
ولا حتى يوم كان بإيدى
أبوح بسرى لحبيبى
و لسا عايش .. عايش غريب

>2<
مش فاهمة ليه انت راضى
و مسالم جدًا و هادى
مش فاهمة ليه انت راضى
و مسالم جدًا و هادى
و الفن جوّاك ينادى
أمّا انت أمرك عجيب !

و سجنت روحك بإيدك
افرح و غنّى نشيدك
و سجنت روحك بإيدك
افرح و غنّى نشيدك
و غنّى للى يريدك
خلّيك زيّى .. زيّى عنيد

>1<
السجن شايلُه ف ضلوعى
و الفرح خانقاه دموعى
السجن شايلُه ف ضلوعى
و الفرح خانقاه دموعى
و الشجن طفى شموعى
و القلب أصبح .. أصبح شريد

>1< ، >2<
آاااااااااااااااااااااااااه .. آاااااااااااااااااااااااااه

كلمات محمد بغدادى
تلحين عمر خيرت
غناء أركان فؤاد >1< ، سيمون >2<
بالمناسبة أركان فؤاد دا مطرب مش مطربة
و الأغنية دى من مسرحية كارمن