عدد الرسائل : 1493 العمر : 34 العمل/الترفيه : طالب بكلية الهندسة بشبرا .. جامعة بنها المزاج : هههههههههههههه المنتدى المفضل : ملفــات شائـكـــة تاريخ التسجيل : 04/12/2007
موضوع: كلمات أغانى الفنّان احمد منيب (متجدد) السبت 06 سبتمبر 2008, 2:07 am
فى زمنٍ ندر فيه الطرب .. و قل نبيل المعانى فيما يفرض علينا من أغانى .. نبحث عما يستحق الاستماع
و لذا السبب أتت لى فكرة و هى أن نخصص موضوعًا لـ كلمات أغانى الفنان الراحل احمد منيب احمد منيب كان ملحنًا .. و غنّى من الكلام ما كان أهلا له لو عايزين تعرفوا معلومات أكتر عنه فزوروا موضوع (فنانون قل ما يتكلمون) اللى فى المنتدى العام الموضوع هيكون متجدد و هيمشى بشكل الحلقات كدا .. فى كل مشاركة كلمات أغنية مختلفة اتمنى الفكرة تعجبكم و انا واثق ان كلمات الاغانى هتعجبكم قوى و على فكرة كلمات الأغانى دى أنا اللى كاتبها بنفسى ... مش ناقلها من منتدى ولا حاجة .. يعنى الموضوع من خالص ابداعنا و مش منقول
الباش مهندس
عدد الرسائل : 1493 العمر : 34 العمل/الترفيه : طالب بكلية الهندسة بشبرا .. جامعة بنها المزاج : هههههههههههههه المنتدى المفضل : ملفــات شائـكـــة تاريخ التسجيل : 04/12/2007
موضوع: مشتاقين السبت 06 سبتمبر 2008, 2:11 am
اسمحوا لى ابدأ الموضوع بأغنية خاااااااالدة للفنان العظيم .. و اللى أهداها لبلده (النوبة .. بلاد الدهب) الأغنية دى هى .. مشتاقين
مشتاقين يا ناس للبيت لنبع الحبايب لبلاد النخيل و الغيط ع العمر اللى غايب للحب الكبير و الشوق الكتير مشتاقين يا ناس لبلاد الدهب
مشتاقين يا ناس لبلاد الدهب
كبر الشوق جوّا القلب كان لسّا فى حضن الحب كبر الشوق جوّا القلب كان لسّا فى حضن الحب خدنا و مشينا و الأيام خدتنا خدنا و مشينا و الأيام خدتنا رحلة .. عودة ... رحلة .. عودة ناويين اننا راجعين يا بلادى و مشتاقين ناويين اننا راجعين يا بلادى و مشتاقين مشتاقين يا ناس لبلاد الدهب نادرين لما نرجع تانى لبلاد الجمال الربانى نادرين لما نرجع تانى لبلاد الجمال الربانى جوّا البيت هنزرع نخلة تطرح خير و تعمل ضلة جوّا البيت هنزرع نخلة تطرح خير و تعمل ضلة و العصافير .. و العصافير تلقّط غلة فى الحوش الكبير و الرملة جار الساقية فى العصرية نحكى حكاوى و الأفراح هتملى الناحية ويّا غناوى
مشتاقين يا ناس لبلاد الدهب
الباش مهندس
عدد الرسائل : 1493 العمر : 34 العمل/الترفيه : طالب بكلية الهندسة بشبرا .. جامعة بنها المزاج : هههههههههههههه المنتدى المفضل : ملفــات شائـكـــة تاريخ التسجيل : 04/12/2007
موضوع: يا وعدى ع الأيام السبت 06 سبتمبر 2008, 3:46 pm
يا وعدى ع الأيام بتعدّى بينا أَوام يا وعدى ع الأيام بتعدّى بينا أَوام و بتدّى ما بتدّيش ندبل و هى تعيش غرورة .. غرورة مابيدّيش (مش بإيدى)
بضحك مع الأيام أضحك و لو أحلام مين؟ .. مين ؟ .. مين؟ مين أدّها الأيام؟ يا وعدى ع الأيام
يا مراكب النسيان عدّى فى بحر اليوم يا مراكب النسيان عدّى فى بحر اليوم ما كنت يوم ندمان و لا عمرى كنت بلوم لكنّى قلبى كتوم
بضحك مع الأيام أضحك و لو أحلام مين؟ .. مين ؟ .. مين؟ مين أدّها الأيام؟ يا وعدى ع الأيام
يا وعدى ع الأيام بندّق بابها كتير ليلها قمر و غيام و غريبة فى المشاوير
يا وعدى ع الأيام بندّق بابها كتير ليلها قمر و غيام و غريبة فى المشاوير و شوك فى حضن حرير
بضحك مع الأيام أضحك و لو أحلام مين؟ .. مين ؟ .. مين؟ مين أدّها الأيام؟ يا وعدى ع الأيام
يا وعدى ع الأيام بتعدّى بينا أَوام يا وعدى ع الأيام بتعدّى بينا أَوام و بتدّى ما بتدّيش ندبل و هى تعيش غرورة .. غرورة مابيدّيش (مش بإيدى)
بضحك مع الأيام أضحك و لو أحلام مين؟ .. مين ؟ .. مين؟ مين أدّها الأيام؟ يا وعدى ع الأيام
saro2a
عدد الرسائل : 319 العمر : 31 تاريخ التسجيل : 26/08/2008
موضوع: رد: كلمات أغانى الفنّان احمد منيب (متجدد) الأحد 07 سبتمبر 2008, 1:08 pm
تسلم ايدك يا باش مهندس على الموضوع والكلمات جميلة جدااااااا ونفسى اسمع اللحن بتاعها اصل ده من تخصصاتى مستنية منك باقى كلمات الأغانى ويا رب كلها تطلع حلوة زى دى تقبل مرورى
الباش مهندس
عدد الرسائل : 1493 العمر : 34 العمل/الترفيه : طالب بكلية الهندسة بشبرا .. جامعة بنها المزاج : هههههههههههههه المنتدى المفضل : ملفــات شائـكـــة تاريخ التسجيل : 04/12/2007
موضوع: رد: كلمات أغانى الفنّان احمد منيب (متجدد) الإثنين 08 سبتمبر 2008, 1:54 am
saro2a و انا ان شاء الله هرفع لكم اغانى الراجل دا قريب و انا واثق انها هتعجبكم جدًا
الباش مهندس
عدد الرسائل : 1493 العمر : 34 العمل/الترفيه : طالب بكلية الهندسة بشبرا .. جامعة بنها المزاج : هههههههههههههه المنتدى المفضل : ملفــات شائـكـــة تاريخ التسجيل : 04/12/2007
موضوع: ربك هو العالم الإثنين 08 سبتمبر 2008, 1:57 am
الأغنية دى انا عن نفسى حاسس ان احمد منيب غنّاها و هو قاعد ع القهوة اللى ع الشارع بتاعنا .. او و هو فى الأتوبيس اللى رحت بيه الشغل .. او و هو فى المترو اللى بروح بيه الكلية اقروها هتحسوا معانيها .. و هتعرفوا انكم بتغنوها بنفسكم كل يوم
ربك هو العالم ربك رب قلوب ربك هو العالم ربك رب قلوب مين عارف يا حبيبى .. إيه لينا مكتوب؟؟ و احنا قلوب مشتاقة و الدنيا سرّاقة (كثيرة السرقة) احنا قلوب مشتاقة و الدنيا سرّاقة (كثيرة السرقة) الدنيا فيها الغالب .. تانى يوم مغلوب تانى يوم مغلوب
دا عاوز يكوّش ع العالم بحاله و دا عاوز يهوّش يعمل ما بداله يعمل ما بداله دا عاوز يكوّش ع العالم بحاله و دا عاوز يهوّش يعمل ما بداله يعمل ما بداله
ربك هو العالم بالغانم و السالم و القلب البرّانى و القلب الحليم ربك هو العالم ربك رب قلوب مين عارف يا حبيبى .. إيه لينا مكتوب؟؟ و احنا قلوب مشتاقة و الدنيا سرّاقة (كثيرة السرقة) احنا قلوب مشتاقة و الدنيا سرّاقة (كثيرة السرقة) الدنيا فيها الغالب .. تانى يوم مغلوب تانى يوم مغلوب
و دا عايش فى كدبة كدبة كل يوم جوّا نفسه غربة و برّا حياته هموم و دا عايش فى كدبة كدبة كل يوم جوّا نفسه غربة و برّا حياته هموم
ربك هو العالم بالصاحى و النايم و القلب البرّانى و القلب الحليم ربك هو العالم ربك رب قلوب مين عارف يا حبيبى .. إيه لينا مكتوب؟؟ و احنا قلوب مشتاقة و الدنيا سرّاقة (كثيرة السرقة) احنا قلوب مشتاقة و الدنيا سرّاقة (كثيرة السرقة) الدنيا فيها الغالب .. تانى يوم مغلوب
تانى يوم مغلوب و دا معاى بيمشى و غلاوته غلاوة ليه يضحك فى وشّى .. و يخبّى العداوة؟ و يخبّى العداوة؟ و دا معاى بيمشى و غلاوته غلاوة ليه يضحك فى وشّى .. و يخبّى العداوة؟ و يخبّى العداوة؟
ربك هو العالم بالغانم و السالم و القلب البرّانى و القلب الحليم ربك هو العالم ربك رب قلوب مين عارف يا حبيبى .. إيه لينا مكتوب؟؟ و احنا قلوب مشتاقة و الدنيا سرّاقة (كثيرة السرقة) احنا قلوب مشتاقة و الدنيا سرّاقة (كثيرة السرقة) الدنيا فيها الغالب .. تانى يوم مغلوب تانى يوم مغلوب
الباش مهندس
عدد الرسائل : 1493 العمر : 34 العمل/الترفيه : طالب بكلية الهندسة بشبرا .. جامعة بنها المزاج : هههههههههههههه المنتدى المفضل : ملفــات شائـكـــة تاريخ التسجيل : 04/12/2007
موضوع: طلب القهوة الخميس 11 سبتمبر 2008, 4:10 am
الأغنية دى لو ركزت ف كلامها هتلاقيها بتتكرر مع كل مواطن مصرى من عامة الشعب .. و هتحس بانها قريبة منك قوى
طلب القهوة و ماشربهاش جبنا القهوة و هوّا ماجاش طلب القهوة و ماشربهاش جبنا القهوة و هوّا ماجاش
حط تمنها على التربيزة قرشين فكة و نص بريزة حط تمنها على التربيزة قرشين فكة و نص بريزة
و اللى طلبها ليه ما شربها؟ جبنا القهوة و هوّا ماجاش و هوّا ماجاش
كان قاعد ساكت و مكشّر طلب القهوة من غير سكّر كان قاعد ساكت و مكشّر طلب القهوة من غير سكّر
قلت عينيّا .. بعد شويّة جبت القهوة و قال لى بلاش قلت ضرورى وراه مواعيد ولا يجوز مشواره بعيد قلت ضرورى وراه مواعيد ولا يجوز مشواره بعيد
طلب القهوة و ماشربهاش جبنا القهوة و هوّا ماجاش و هوّا ماجاش
كان قاعد سارح بيفكّر طلب القهوة من غير سكّر كان قاعد سارح بيفكّر طلب القهوة من غير سكّر
قلت عينيّا .. بعد شويّة جبت القهوة و قال لى بلاش قلت ضرورى وراه مواعيد ولا يجوز مشواره بعيد قلت ضرورى وراه مواعيد ولا يجوز مشواره بعيد
طلب القهوة و ماشربهاش جبنا القهوة و هوّا ماجاش و هوّا ماجاش
الباش مهندس
عدد الرسائل : 1493 العمر : 34 العمل/الترفيه : طالب بكلية الهندسة بشبرا .. جامعة بنها المزاج : هههههههههههههه المنتدى المفضل : ملفــات شائـكـــة تاريخ التسجيل : 04/12/2007
موضوع: كان و كان الأحد 14 سبتمبر 2008, 1:07 am
كان و كان و كان كان و كان و كان كان و كان و كان كان و كان و كان
كان فيه ليّا حبيبة كان فيه ليّا نصيب كان فيه ليّا حبيبة كان فيه ليّا نصيب الغربة دى غريبة غريبة غيرّتنى من زمان
كان و كان و كان كان و كان و كان كان فيه زمان أهاليك يا صاحبى و كان فى الدنيا دى كان فيه زمان أهاليك يا صاحبى و كان فى الدنيا دى مطرح و مرسَى يرسّيك لأى مكان فى الدنيا كان
كان و كان و كان كان و كان و كان
كان فيه فى قلوبنا ناس كان فيه فى عيونّا ناس كان فيه فى قلوبنا ناس كان فيه فى عيونّا ناس كان دنيا من الإحساس و راحت من زمان
كان و كان و كان كان و كان و كان
كان فيه زمان مزازيك كان فيه زمان الحـب كان فيه زمان مزازيك كان فيه زمان الحـب اتقفّلت شبـابيـك و اتغيّر المكـــان
كان و كان و كان كان و كان و كان
كان فيه ليّا صاحب كان ع الدنيا متصاحب كان فيه ليّا صاحب كان ع الدنيا متصاحب مكان ما يمشى يتعاجب و اتغيّر الزمان
كان و كان و كان كان و كان و كان
كان فيه ليّا أب كان فيه ليّا أم كان فيه ليّا أب كان فيه ليّا أم و سابونى ف درب صعب ماعرفْتِش الحنان
كان و كان و كان كان و كان و كان
كان فيه ليّا حبيبة كان فيه ليّا نصيب كان فيه ليّا حبيبة كان فيه ليّا نصيب الغربة دى غريبة غريبة غيرّتنى من زمان
كان و كان و كان كان و كان و كان كان و كان و كان كان و كان و كان