L'ART Forum

VoUs NoUs TrOuVeReZ ToUs SuRpRiS
 
الرئيسيةالبوابةالتسجيلدخول

شاطر | 
 

 بدون عنوان !!

اذهب الى الأسفل 
كاتب الموضوعرسالة
المجهول
فنان بدأيشتغل
فنان بدأيشتغل
avatar

عدد الرسائل : 47
تاريخ التسجيل : 01/09/2008

مُساهمةموضوع: بدون عنوان !!   الثلاثاء 09 سبتمبر 2008, 3:59 pm


كتير اوى اوى اوى لاحظت ان فيه شباب كده اعوذ بالله منهم ومن افعالهم
تلاقيهم بيعملو حجات الواحد فعلا مش بتخيل نفسه يعمل كده
يعنى مثلا وانا راكب العربيه فى مره من المرات
لقيت السواق ربنا هاديه كده وشغل قرآن ( الله يا اسطى دا محمد جبريل ربنا يفتح عليك )
الاقى ودنى اتخرمت ( فيه ايه !! ايه اللى حصل دا مش عارف دوشه بطريقه غريبه )
واتلفت كده وابص ع الصوت دا
الاقى صوت العده الصينى وواحد عمال يقول Sad انا جسمى كله بلاوى ربنا عالم بحالى )
قلت فى عقل بالى اللهى يجيلك بلوه انت واللى مشغلك يا بعيد
المهم التزمت الصمت مع انى كنت مضايق اوى
والناس اللى معانا كل واحد اللى مش سامع بوضوح يقول Sad علّى شويه يا اسطه)
والحيوان برضه لسه مشغله
المهم الاقى واحد ربنا يكرمه قام انت يا اخ اقفل الزفت اللى انت مشغله دا
القران شغال
يرد الحيوان اللى مش عنده دم يقوله بصوت جعر كده : القرآن دا بتعكو انتو
( يلهوى استغفر الله العظيم يا ربى )
دمى غلى اوى قلتله فى بالى بقا تعالى يا حيوان كده قمت بصتله
( قلت اتكلم بحنيه بقا ) هو انت يا عم مش مسلم ولا ايه ؟
قالى مسلم يا عم وانت مالك ؟
قلت فى بالى يا واد خليك راكز كده بلاش تضرب حد ع الصبح هع هع
طب لو سمحت يا كابتن اقفل الاغانى عشان نسمع القرآن
رد بقا ( وشكله كانت امه ضرباه ) اييييييييه !! هو انتو كلكو بقيتو شيوخ دلوقتى
ربنا يخدك يا بعيد
انا بقا فى دور الواد العاقل : قوم يا عم من جنبه
وبصوت هادى لاخينا بقا :يا عم احنا فى رمضان وحرام الاغانى اصلا
يرد يقولى انا فاطر ( لا اله الا الله طب اقوله ايه دا !!)
طب مهو احنا صايمين يعنى عيب عليك لما تفطرنا معاك
يقولى ليه يا عم هو انا مسكلك فى ايدى عضمه وبقولك كٌل
( آآييييهه دا كده شتمنى لا اوعى يا جدع المطاوى هتتفتح دلوقتى )
انا بقا : اللهم انى صايم يا اخى وحسبى الله ونعم الوكيل وع العموم هسيبك للى خلقنى وخلقك
يرد عليك .
وسبحان الله صدقت الايه الكريمه التى تقول Sad انك لا تهدى الاحبه ولكن الله يهدى من يشاء )
لقيت الواد قام غير الاغانى وطفا الموبيل خالص وقام اتأسف ليا وللراجل اللى كان بيتكلم معايه
ولقينا اللى بيعيط ..
يا عم صلى ع النبى كده فيه ايه بس
مفيش حاجه اصلى مخنوق شويه
طب من ايه ؟
ولا حاجه ولا حاجه ممكن محدش يتكلم معايه دلوقتى ؟
اوك خلاص يا جماعه سيبوه ربنا يفك ضيقتك يبنى
المهم انا بقا قاعد جنبه وقاعد بقا عقلى يودى فيا ويجيب طب يا ترى دا بيعيط ليه
المهم لقيت الدى جى اللى مسكه فى ايديه رن ( الموبايل الصينى )
هو بقا : انتى بتتصلى بيا ليه دلوقتى ليكى عين تكلمينى بعد اللى حصل دانتى حطمتينى ودمرتى حياتى
بعد ما حبيتك كل الحب دا يا شيخه حرررررررررررررام عليكى

ومن ساعت لما قال كده قلت دى اكيد لائما واحده ماشى معاها لائما كانت خطيبته
المهم وصلنا على كده
قاعد بقا ساعت الفطار
الاقى شيخ على قناه الرحمه اسمه حازم شومان
بيتكلم عن نفس الموضوع اللى حصلى النهارده
مش عنه بالظبط يعنى عن المجمل بتاعه
بمعنى اللى يبعد عن ربنا عشان حاجه
ربنا بيوريه كل السكك الوحشه
ومش بيخليه ينول اللى عيزه برضه
والموقف دا فكرنى بالحديث السابع عشر فى الاربعون النوويه

( واعلم ان الامه لو اجتمعت على ان ينفعوك بشئ لن ينفعوك الا بشئ قد كتبه الله لك واعلم ان الامة لو اجتعمت على ان يضروك بشئ لن يضروك الا بشئ قد كتبه الله عليك رفعت الاقلام وجفت الصحف )


الرجوع الى أعلى الصفحة اذهب الى الأسفل
الباش مهندس
مشرف
مشرف
الباش مهندس

ذكر عدد الرسائل : 1493
العمر : 29
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: بدون عنوان !!   الثلاثاء 09 سبتمبر 2008, 5:20 pm



شكرًا على الموضوع يا مشمش

انا اتخضيت من العنوان يا راجل

أنا فهمت اللى انت عايز تقوله بس فيه عندى سؤال
الشاب اللى كان متضايق و طهقان دا .. عرفت منين ان سبب اللى هو فيه انه بعيد عن ربنا؟؟؟
عشان سمع اغانى؟
مانت ماعلش يعنى (فى رمضان برضه و مع انك بتدرس علوم اسلامية) صورتك الشخصية واحد م اللى بيتقال عليهم مطربين .. و سبحان الله الواحد دا ماسمعتلوش اغنية ليها مبدأ قومى .. ولا اغنية عليها القيمة اصلا و ماعملتش اللى هو عمله .. و مانتش طهقان ولا حاجة
ماقصدش احسدك ولا حاجة بس اقصد اقول انت عرفت منين ان دا السبب؟؟
الرجوع الى أعلى الصفحة اذهب الى الأسفل
https://www.youtube.com/user/amido2000
المجهول
فنان بدأيشتغل
فنان بدأيشتغل
avatar

عدد الرسائل : 47
تاريخ التسجيل : 01/09/2008

مُساهمةموضوع: رد: بدون عنوان !!   الأربعاء 10 سبتمبر 2008, 4:31 pm


بص يا سيدى
اولا انا بسمع اغانى اى نعم وكمان مقتنع بإن الصوره دى فعلا لواحد زي ما انت بتقول
بس انت لما بتسمع لمطرب معين بتشدك فيه حاجه ودى وجهات نظر
انما يا سيدى
انا لما بسمع اغانى ولقيت قرآن شغال من غير تردد بطفى الاغانى حتى لو كانت لمين
يعنى انا قصدى اوصلك انى مش فى معظم الاوقات بسمع اغانى ..
وانا قلت انه كفايه كان سامع القرآن وعاند ادام الناس على الاغانى معنى كده ايه ؟؟
الرجوع الى أعلى الصفحة اذهب الى الأسفل
 
بدون عنوان !!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
L'ART Forum :: O?°'¨ (المنتديات الدينية ) ¨'°?O :: المنتدى الاسلامي العام-
انتقل الى: