و مين يهمه ...
لو ان دم عصفور صغيّر ع الأرض سال ؟
لو ان وردة لسّا بنداها دُسنا عليها و الغصن مال ؟
و الآن قلب و روح بيتقسموا
و الآن وطن بيسلّم حروف اسمه
بيخلع آخر هدمة على جسمه
و مين يهمه ؟
مين يهمه ...
لو اتسرق نبض الخطاوِى م الشوارع ؟
و الأمان هجر البيوت ؟
و الخوف خطف منّنا لمعة عينينا ؟
و القهر عشّش عنكبوت ؟
بلاش تجاوب ع السؤال
اكتم فى قلبك صرختك !
بلاش تجاوب ع السؤال
أصل اللى جابك موّتك !
و مين يهمه ؟
و الآن قلب و روح بيتقسموا
و الآن وطن بيسلّم حروف اسمه
بيخلع آخر هدمة على جسمه
و مين يهمه ؟
الآن وطن بيغيّر العنوان
و منين نجيب قدرة تملانا تانى بروح ..
تدب فينا حياة .. ننسى هوان و جروح ؟
لو لسّا ف قلبى و قلبك أحلام مش راضية تموت
لو لسّا لكلمة بلدى .. ريحة و طعم و جبروت
المحنة سحاب هيعدّى و الصعب أكيد هيفوت
طول عمرك و انت الأبقى و الخالد رغم الموت
من أغانى فيلم دكّان شحاتة
غناء الفنّانة إنصاف
كلمات كوثر مصطفى
موضوع: و مين يهمه ؟ 
الإثنين 28 سبتمبر 2009, 5:24 pm
