معانا ولا معاهم ؟

يا جماعة بجد موضوع انفلونزا الخنازير دا

بقى يقلق بشكر غير عادى

لحد دلوقتى وصل عدد المصابين 1037

و3 وفيات

لا وفى برنامج الحياه اليوم بيجبلك ان الاستاذ يسرىالجمل طبعا كلنا عارفينه وزير التربية والتعليم

زار مدرسة لا وما شاء الله مصورين العيال كلهم بكمامات

طيب ما احنا فى مدارس وكليات وماشوفناش كمامة واحدة توحد ربها

بتتوزع علينا

هما الاعلام دا يعنى بيضحكوا علينا يعنى ولا ايه

المفروض يصوروا الحقيقة اللى موجودة بين الناس

مش يصوروا حاجة مش موجودة على انها الحقيقة

ربنا يا رب يرحمنا منهم

ولو فى بجد مدارس لابست كل التلاميذ او اى كليه وزعت كمامات قولولى يمكن انا اللى مش عايشة فى الدنيا

و الله يا نور كلامك مظبوط
و الرقم دا يخلينا نقلق بكل تأكيد
بس لو الحكومة قصرت فى حاجة .. و دا اللى اصبح طبيعى بالنسبة لشعب زينا كدا .. احنا نعمل اللى نقدر عليه
يعنى وزعت كمامات و ادوات فى مناطق ، و مناطق لأ
نشترى احنا الحاجات دى .. و خصوصًا انها متوفرة فى الصيدليات عادى .. شراؤها سهل و تمنها مش عالى قوى يعنى
هو الموضوع عندنا بالنسبة للمناطق اللى الناس مش بتلبس فيها كمامات مش فكرة ان مافيش كمامات اتوزعت أد ما هى فكرة ان شكل الكمامة مش محبب لدى المعظم بجانب ان ثقافات ناس كتير مننا تأبى حاجة زى كدا ..
أكاد أجزم ان لو حد قاعد فى اتوبيس لقى اللى جنبه لابس كمامة هيردد جمل من ضمنها ...
يا جبان .. خايف على عمرك قوى كدا؟
خايف على عمرك على ايه يعنى؟ .. امال لو كانت ظروفك احلى من كدا كنت هتعمل ايه؟
انت قرفان و خايف منى؟ .. دا انا انضف منك اصلا
.... الكلام كتير
بس هى مش فكرة توفير كمامات للشعب اد ما هى مشكلة ثقافة شعب
و عمومًا الكمامات مالية الصيدليات .. و فى بلد زى مصر مش لاقية حد يشتريها
فهوصيكى بحاجة يا نور .. و بوصى كل الناس بيها ...
لما نيجى نبص على نسبة .. نبص على البسط و المقام مع بعض .. حرام علينا نبص على البسط و نتجاهل المقام ، أو نبص على المقام و نتجاهل البسط

السلام عليكم
موضوعك جميل و مهم يا نور
وفعلا الأعداد فى زيادة مستمرة
ربنا يعافينا من المرض
هما قالوا كلام كتير عن انهم هيوزعوا كمامات فعلا على المدارس و الكليات
واتنفذ فى بعض المناطق
والبعض الآخر ما أمكنش فيه
انما فيه ناس "ولو كان عددها قليل" طبقت الكلام ده ولبست بالفعل كمامات
انما لو انا قولتلك دلوقتى البسى كمامة وامشى بيها فى الشارع
شوفى كمية الكلام اللى هتاخديه زى ما قال الباش مهندس
علشان كدة فيه سلبية مننا شوية
وهما مهتمين برده انما ممكن يكون مش بالقدر اللى كان متوقع قبل ما الدراسة تبدأ
فبيتهيألى المفروض فعلا اننا نبدأ احنا نهتم
شكرًا على الموضوع
تقبلى مرورى

شكرا على الموضوع يا نور

بجد الموضوع جميل ونقطة حلوه
ان احنا نتكلم عن الكمامات وهى
نوع من الوقايه طبعا...........
بس بجد العمليه متوقفه على ثقافتنا فعلا
زى ماقال الباش مهندس وده حصل قدامى فى الكليه
ان ليه واحده زميلتى لاناها لبسه كمامه وبالرغم من
اننا فى كليه علمية الا والله ماخلصت من السنه أصحابها
ودلوقتى معدتش بتلبسها.
بالرغم ان فى اماكن فيها وعى اكتر من كده وفى بلدنا
يعنى فى مصر مثلا فى محطة المترو أنا عرفت ان الناس
كلهم بيلبسوا كمامات لدرجه انهم بيمسكوا بالمناديل فى المترو
بس فى حاجة سيئة بصراحه بيبصوا لبعض بقرف معرفش آه معنى
النظرة ده!!!!!!!!!! أظاهر ان المرض ده حيوقع الناس فى بعض
والله أعلم ... بس ربنا يكفينا منه جميعا
تقبلى مرووووووووووورى

شكـرًا ع المداخلة الجميلة يا هبة
بس احب اوضح حاجة
فى المترو عدد يسير من الناس بيلبس كمامات
و على فكرة
الفرق بين العاصمة و الأقاليم عندنا فى الثقافة و الوعى مش كبير و لا حاجة
و طريقة التفكير ، و سخافة التعليق .. هى هى فى العاصمة و فى غير العاصمة
فالشعب المصرى للأسف هو الشعب المصرى أينما كان
بس ان شاء الله تكون فترة و هتعدى

يا باش مهندس

فعلا والله ما فيش اكتر من الكمامات بس اللى عاوزة اقولة ان مافيش اجبار

من الحكومة بلبسها والمفروض ان حاجة زى دى ما تبقاش بحرية اوى كدا زى ما كلنا شايفين

يعنى مثلا لما راح الوزير المدرسة انا اشك ان فعلا كل المدرسة كانت لابسة كمامات

ولا هوا عشان الوزير رايح يبقى النظام بيبان

saro2a

لازم نبعد عن السلبية دى دلوقتى

خلاص بقى فى حلات فى كل حتة دلوقتى

هبه يوسف

يا ريت يا هبه تحاولى تنصحى زميلتك انها تلبسها تانى

بكرة الناس لما يعرفوا انها صح هيقلدوها

موضوع جميل
اشكر العضوه المحترمه عليه
بس انا بسأل سؤال
ليه المرض ده ماخدش الإهتمام ده الا فى الفتره دى
مع انه موجود من سنه 1918
ومات بسببه ناس كتير
والمرض ده نشاطه كبير بس فى العدوى
لكن ال affect بتاعته بسيطه جدا
وهو مختلف جدا
عن ال H5N1 اللى هو نشاطه قليل فى العدوى
لكن الفاعليه بتاعته وتأثيره قاتل
على نسبه كبيره من المصابين بالمرض
ليه البروباجندا دى حصلت عليه فى الوقت ده بالذات
I DONT KNOW بجد ياشباب
وشكرا مره تانيه لكل اللى شارك برأى فى الموضوع الهام ده
والسلام عليكم

الكونت كتب:: [center]

مع انه موجود من سنه 1918
ومات بسببه ناس كتير

هوا حضرتك متاكد ان المرض دا من 1918

ولو فعلا صح يا ريت تجيب لنا مصدر المعلومة

مشكور على مرورك

اشكر العضوه المحترمه على تعقيبها على مرورى
وهذا ان دل فانما يدل على نشاط جم واهتمام بالمعرفه تتمتع بع العضوه
واعتذر عن تأخر الرد لأسباب إنشغالى بعض الشئ بأمور خارجه عن إرادتى
***********
أما بالنسبه لتاريخ المرض فقد تلقيت هذه المعلومه من أطباء مخضرمين
بلغ بهم العمر أيما مبلغ أى بلغ بهم العمر أرزله
وبحثت ايضا فى تاريخ المرض فوجدت ان اول اكتشاف لحاله كانت فعلا عام1918
وقد تسبب ايامها بمقتل 50 مليون من البشر
لكن ليس لقوته
ولكن لغياب العلاج المناسب وعدم تقدم العلم فى تلك الفتره
و قد تم التعرف حالياً على خمس أنواع فرعية لإنفلونزا الخنازير

H1N1
H1N2
H3N2
H3N1
H4N6

ولم يكن العلم قد اكتشف منذ عام 1918 الى عام 1997 الا نوع واحد هو H1N1
وتوالت اكتشافات الانواع الاخرى الى هذا اليوم
لكن يظل النوع الاول هو الأكثر انتشاراً
لمزيد من المعلومات حول المرض أرجو رؤية الرابط التالى
http://ar.wikipedia.org/wiki/%D8%A5%D9%86%D9%81%D9%84%D9%88%D9%86%D8%B2%D8%A7_%D8%A7%D9%84%D8%AE%D9%86%D8%A7%D8%B2%D9%8A%D8%B1 ....

أرجو ان اكون قد قدمت لكم معلومه أظنها مفيده واغفروا لى التقصير فهو من نفسى ومن الشيطان
اما الكمال فلله وحده
والسلام عليكم ورحمة الله وبركاته

مشكور يا كونت

وجزاك الله خيرا

وربنا يرحمنا يا رب

لاشكر على واجب
its our duty