من فضلك سيدتى ... لا تقولى (ميرسى)

بينما نريد أن نعود إلى السيادة ... نتأثّر نحن العرب بما قاله الآخرون من الغرب فيما بيننا
فكثر ما اسمع كلمة (ميرسى) من الناس وخاصة السيدات والبنات
ولكنّى أُحرج من أن أقول (برجاء لا تقولى ميرسى)
ولكنّى بدأت استشيط غضبًا لأن الموضوع ده كل شوية بيوسع اكتر
واللى يغيظ اكتر بقى ان اكتر من نص اللى بيقولوها مش بيعرفوا يكتبوها بل مايعرفوش الكلمة دى انجليزى ولا فرنساوى ولا ايطالى ولا ايه بالظبط
فالتمس من الجميع (بشكل عام) ومن السيدات والبنات (بشكل خاص) أن يتمسكوا ويتمسكن بلغتنا العظيمة التى ليس هناك أحسن منها على الإطلاق
فيكفينا شرفًا أنّها لغة القرآن الكريم
ولنبتعد فى مناقشاتنا عن المصطلحات الغربية الغريبة عن لغتنا مثل
....... merci, thanks (thanx), please
الكلام ده وفروه عشان تكلموا بيه الاجانب
الموضوع مش ناقص
ده الواحد ما بيصدق يلاقى حاجة يتمسك بيها عشان يثبت له بيها هوية وانتماء

مشكووووووور ياباش مهندس ع المضوع الهايل

عندك حق والله يا باش مهندس
وانا عن نفسى بقول ميرسى كتير اوى بصراحة اصلها أسهل من شكرا
بس أوعدك انى أبطل اقولها خالص

شكرًا

(حمادة - lovelycat)
على المرور

يا باشمهندس انا احترت معاك نتعلم فرنساوى و ما نتعلمشى

انا شخصيا بايد التعلم ده لازم لان كل لسان بالحقيقه انسان و من عرف لغه قوم امن مكرهم
وعلى فكره الجزائريين و التونسيين بيتكلمو لغه رنسيه و قليل لما بيتطلمو عربى انما المغاربه بيعرفو فرنسى كويس جدا زيهم زى التونسيين و الجزائريين بس هما بيتكلمو عربى بصفه عامه
انا حاولت اتكلم فرنسى مره مع واحده مغربيه بس اتكسفت منها الحقيقه لانى كنت باسالها بالفرنسى ( على اد ما باعرف) وهى بتجاوبنى بالعربى
اما حكايه السيدات و البنات اللى بيقولو ميرسى هى بجد حاجه تغيظ ليه بيقولوها ؟ انا مش عارف ... يمكن زمان ايام الاحتلال ممكن نقول انه اكتساب للغه لكن دلواتى ؟؟؟؟؟

ahmed adel كتب:: يا باشمهندس انا احترت معاك نتعلم فرنساوى و ما نتعلمشى
انا شخصيا بايد التعلم ده لازم لان كل لسان بالحقيقه انسان و من عرف لغه قوم امن مكرهم
وعلى فكره الجزائريين و التونسيين بيتكلمو لغه رنسيه و قليل لما بيتطلمو عربى انما المغاربه بيعرفو فرنسى كويس جدا زيهم زى التونسيين و الجزائريين بس هما بيتكلمو عربى بصفه عامه
انا حاولت اتكلم فرنسى مره مع واحده مغربيه بس اتكسفت منها الحقيقه لانى كنت باسالها بالفرنسى ( على اد ما باعرف) وهى بتجاوبنى بالعربى
اما حكايه السيدات و البنات اللى بيقولو ميرسى هى بجد حاجه تغيظ ليه بيقولوها ؟ انا مش عارف ... يمكن زمان ايام الاحتلال ممكن نقول انه اكتساب للغه لكن دلواتى ؟؟؟؟؟

طب نتفق
انا اتعلم عشان اكلم اصحاب اللغة أه ... حقك وواجب عليك
لكن مثلاً مش ابقا ماشى فى الشارع وواحدة بتشترى علبة مناديل من كشك بيقولها الباقى يا مدام
تقوم هيا بكل فخر ترد تقوله ميرسى
طب ايه بجد
حط نفسك مكان الراجل
يقولها ايه
يعمل زى كتكوت ويقولها (كله على الله )
هتضحك عليه
انا مبحبش كدا
ممكن اكلم شوية انجلش مع اصحابى آه كتدريب
دراسة
لكن مش مع الناس عموماُ وأخدها كلغة عامة مع كل الناس
دا الفرق البسيط بين التعلم واللغة الأساسية
وانتا متتحيرش فى حاجة رسولك أمرك بيها
(أطلبوا العلم ولو فى الصين)
وفى القَصص النبوى اكيد تفتكر ان الرسول صلى الله عليه وسلم كان بيتعلم لغة القوم عشان ينشر الدين فيهم
فأنا مقدرش اقولك متتعلمش
بس ممكن نحط لقب عامى شوية
نقول( بلاش فزلكة مثلاً )
وآسف على الإطالة

أنا مش عارف أرد عليك أقول إيه بص الاول على اللغه اللى احنا بنتكلمها دى مش لغه عربيه

كونت

اقتباس :

أنا مش عارف أرد عليك أقول إيه بص الاول على اللغه اللى احنا بنتكلمها دى مش لغه عربيه

طاب ما تيجى نتكلم عربى صح
و نتعلم مع بعض اللغة العربية ..

شكرا على الموضوع يا باش مهندس

وعلى فكره أنا والله مبقولش merci ولاthanks
أنا عالطول بقول شكرا علشان بخاف أن الناس تقول
عليه بنت متكبره ولدرجة صحباتى بيقولولى انى رجعيه
علشان متمسكه بالغة العربيه اوى وحاجات تانية كمان
بقوا يقولوا عليها دأة قديمة

من فضلك سيدتى ... لا تقولى (ميرسى) 22072383tf0

هبة

و هى عمومًا مش مسألة حد من التعالى و الاستكبار
بقدر ما هى قضية تمسك بهويتنا العربية من خلال التمسك باللغة
بجد اسعدتينى بردك
و بانك مش بتستخدمى مصطلح اجنبى للشكر
يا رب نكون كلنا كدا
و كلمة دأة قديمة دى اللى بيقولوها بيقولوها عشان حاجة من حاجتين
يا اما انهم مش فاهمين حاجة و مش عارفين ان هجر اللغة بدايته استخدام مصطلح اجنبى
يا اما انهم فاهمين بس عندهم لا مبالاة
و السببين مشكلة طبعًا
ربنا يتوب علينا

صحيح فيه اغانى اتعملت بخصوص الحتة دى
استعمال مصطلحات اجنبية و كدا يعنى
ان شاء الله اجمع لكم مجموعة مميزة كدا و اجيبهالكم تسمعوها