اسأل إستشير

موضوع: اسأل إستشير الجمعة 15 فبراير 2008, 6:11 pm

السلام عليكم ورحمة الله وبركاته

الموضوع ده يا جماعة للاستشارة يعني أي حد عنده سؤال في العلوم ( كيمياء , فيزياء , رياضة , حاسب , طب )

يسأل وان شاء الله هنحاول نجاوبه أنا ونهلة

أنا عندى سؤال محيّرنى جدًا
و هو فنّى شوية اكتر من كونه علمى
سؤالى هو .....
كابتال ولا سمول؟
?Capital or Small
ماحدّش فهم حاجة طبعًا. أنا هوضح ....
لو سألت حد و قلت له الـــ v مثلا تعبر عن إيه؟
هيجاوب يقول إيه؟!!
هيقول السرعة ولا فرق الجهد؟
ماحدّش يقول ( الأقوال بالنيات)
لأن فيه فرق بين الـ v و الـ V
ولكن مين يعرف الفرق؟؟؟؟؟
مش بس فى حرف الــ v ولكن فى رموز تانية كتيـــــر
فأى رمز ( طالما كان حرف ) لمّا يتكتب سمول بيبقى له دلالة مختلفة عنه لمّا يتكتب كابتال
و الرموز بشكل عام برده المدرسين بيتلغبطوا فيها
ادّيكوا مثال .....
علامة التناسب و الرمز ألفا .... فيه فرق بينهم إلا إن معظمنا مابيفرّقش

فيا ريت حد يوضح لنا الكلام ده

بص يا احمد الفرق بين الحجات اللى شبه بعضها فى الكتابة زى السرعة وفرق الجهد والفا وعلامة التناسب بيبان من سياق الكلام نفسه وملهاش حجات معينة تقدر تخليك تفرق بينها وعلى فكرة ده مش رأيى انا بس أنا سألت ناس كتير

موضوع: رد: اسأل إستشير السبت 15 مارس 2008, 11:08 pm

معلش يا جماعه انا اسف فى تاخيرى على الرد
لكن لحب اقول للباشمهندس و للاخت نهله ان الرموز العلميه الداله على المتغبرات او الثوابت ما لهاش رموز محدده ثابته مثلا حرف v لو حانستخدمه للتعبير عن فرق جهد حانلاقيه برضه مختلف طبقا للمعادله
(v = V*sin (wt

v الحرف السمول بيمثل فرق الجهد عند لحظه معينه اللى هى wt

و V الكابتال بيمثل اقصى جهد فى الدائره الكهربيه

الكلام ده عند الجماعه بتوع الكهرباء

ممكن حرف ال V يمثل معامل اللزوجه عند الجماعه بتوع الهيدروليك ( VISCOSITY COFFENTIENT )

وممكن كمان عند ناس تانيه يعبرو عنه بالسرعه VILOCITY

و الكتاب العلماء دايما بيكتبو فى اول الكتاب الرموز اللى هما بيستعملوها ( مفتاح خريطه )

يعنى دايما بيكتب كل الرموز اللى حايستعملها و بيكتب جنب كل رمز الدلاله الى هو بيقصدها

ومثال كمان انا افتكرته دلواتى

حرف ال d ممكن يستخدم لدلاله على مسافه distance او قطر دائره diameter

و هكذا و اعتذر مره تنيه على تاخير ردى

موضوع: رد: اسأل إستشير الجمعة 21 مارس 2008, 12:54 am

شكرًا جزيلا على اجابتك يا ابو حميد ...... حقيقى بشكرك و انا فعلا لاحظت كده فى بعض الكتب.
و شكرًا برده على اهتمامك يا lovelycat .