طلباتك أوامر

السلام عليكم ورحمة الله وبركاته

ازيكم يا احلى اعضاء

يا جماعة الموضوع ده لأي حد عايز كلمات اي اغنية يطلب وانا ان شاء الله هحاول اجيبهاله

يلا مستنيكوا

شكرا يا حمادة ع الموضوع الحلو ده

وانا لو سمحت عايزة كلمات اغنية (لا مش انا اللى ابكى) بتاعة محمد عبد الوهاب

شكرا يانهلة ع المرور

وادي كلمات الاغنية :
-------------------------
لا مش انا اللي ابكي ولا انا اللي اشكي لو جار عليا هواك
ومش انا اللي اجري واقول عشان خاطري وانا ليا حق معاك
تبقى انتا هاجرني وانتا اللي ظالمني وفاكرني هترجاك
انا قولتها كلمة وكل شيء قسمة ودي قسمتي وياك
*********
وكفاية قلبي انشغل على قلب خان الامل
وكفاية قلبي انشغل على قلب خان الامل
وعايزني ارجع تاني لا . ارجعلك تاني لا
لا لا لا
*********
من كام سنة لما نار الهوى بينا فاكر احنا قلنا ايه؟
مش دي راحة قلبي ولا دا امل حبي اللي اتفقنا عليه
اشمعني انا عهدك صنته وراعيت ودك والعمر داب حواليه
لكن اللي بيحبك ملهوش تمن عندك والغالى يرخص ليه؟
************
انا راح زماني هدر . ولا كنش عندك خبر
وعايزني ارجع تاني لا
ارجعلك تاني لا
لا لا لا
***********
انا مش باعتبك دلوقتي انا بدي اقول ليه ده يحصل
علشان نهايتك ونهايتي كان يجري ايه لو كانت اطول
غيروك . علموك . تنسى وتبيع اللي كــــان
بيعته ليه؟ تنسى ليه ؟ فين حبيبي بتاع زمان؟
*************
فين قلبك من حبى ليه ماسكنـــش جنــبي
كان مشاركنى فى عمري ونسي يشارك قلبي
***********
مقدرش يعرفني معرفش يفهمني
وعشان ايه معرفش ده ذنبك مش ذنبي
**********
تبقي انت هاجرني وانت اللي ظالمني
وفاكرني هترجاك
انا قلتها كلمة وكل شئ قسمة
ودي قسمتى وياك
**************
وكفاية قلبي انشغل . على قلب خان الامل
وعايزنى ارجع تاني لا
ارجعلك تاني لا
لا لا لا

---------------------------

لالالالالالالالا
عينى عليك باردة يا عم
الموضوع هايل فعلا

و احب اهزر و اقول
ههههــــ ممكن كلمات الأغنية الراقية جدًا للمطرب الفظيع اللى مافيش زيه فى الدنيا .. اللى بيقول فيها (كوز المحبة اتخرم و اتدلدقوا الحلوين) ؟ ــــهههه

هههـــ ما تدوّرش عليها انا بهزر و هى عندى أصلا ـــههه

هههههههههه ماشي ياباش مهندس انادورت عليها ومش لاقيها
وطالما هي عندك ارفعها في المنتدى عشان عايز اسمعها

موضوع: رد: طلباتك أوامر الأحد 13 يوليو 2008, 7:58 pm

ممكن كلمات تترات مسلسل الناس فى كفر عسكر؟
أرجو الســـــــــــــــرعة

آسف ع التأخير ياباش مهندس بس كان لظروف طارئة

واتفضل كلمات الأغاني :

الناس في كفر عسكر

مقدمة
وخف في المشي دوسك على جدودك تدوس
الأرض وجمة عروسك وطي على الأرض بوس

وخف في المشي دوسك على جدودك تدوس
الأرض وجمة عروسك وطي على الأرض بوس
----------
من طينة الأرض عرضك .. من طينة الأرض عرضك
فيها بكارة العروس
يا أرض ليه الحدادي تنقر في صف العيون ؟
وأنا بهنن وأدادي .. وأنا بهنن وأدادي
رافض ترابك يهون
لما المنادي ينادي مشتاق لحضن المنون
---------
في البعد عنك دموعي تحفر في خدي القنا
تنزل وتكوي ضلوعي رغم القلوب مؤمنة

في البعد عنك دموعي تحفر في خدي القنا
تنزل وتكوي ضلوعي رغم القلوب مؤمنة

قدمت ساعة رجوعي لاقيتني ساكن هنا
---------
طفيتي عطشي وجوعي .. مانتي الرغيف والغموس
وخف في المشي دوسك حاسب على جدودك تدوس

--------------------

نهاية
في الغيط صبي وصبية
والزرع حن ومال
ع الجسر فيه جنية
راسية شعورها طوال
تقلب ساعات على حية
تلدغ تموت في الحال
---------
واتسحبت جوة السكك والدور
لفت على كل الرجال بالدور
واتسحبت جوة السكك والدور
لفت على كل الرجال بالدور
مين قدنا بالأفاعي ؟
غير حامي عهد الرفاعي
مين قدنا بالأفاعي ؟
غير حامي عهد الرفاعي
واللي لأرضه مراعي
ما يتقلعله جدور
----------
إرمي وراك الهموم
لا يهم ناب أو سموم
الظلم لو عمره يوم
الحق عمره قرون

شكرًا يا ابو صلاح
و ولا يهمك ع التأخير يا عم
هههـــ المتأخر حجته معاه ـــههه

:study: فيه أغنية لجورج وسوف بيقول فيها :study:
حارمنا من أنسك ليه؟
هو اللى أخدك مننا إيه؟

ممكن تجيب لى كلماتها كاملة يابو صلاح؟ :lol!:

موضوع: رد: طلباتك أوامر السبت 26 يوليو 2008, 4:04 pm

اتفضل ياباش مهندس كلمات الأغنية

حارمنا من أنسك ليه :

حارمنا من أنسك ليه
هوّ اللي أخدك منّنا إيه
على أي حال الصّبر جميل
لك قلب حيترد عليه
إحنا ابتدينا طريقنا معاك
وكل خطوه الشّوق ويّاك
علشان كده ما تعوّدناش
تغيب ونفضل نستنّاك
إرجع لطبعك وعوايدك
إنت حبيبي وانا رايدك
عارفك حييجي يوم وتقول
آسف عالبعد الجارح
ويسامحك قلبي المجروح
ما هوّاللي يحب يسامح
يا حلو طلّ ما تحرمناش
بنريّحك ما تتعبناش
إرجع لطبعك وعوايدك
إنت حبيبي وانا رايدك

موضوع: رد: طلباتك أوامر الأحد 27 يوليو 2008, 7:01 pm

هههههههههههههههههههههههه
شكرًا جزيلا
Thanx a lot
Merci beaucoup
مامعيش غير التلات لغات دول .. ماعلش
هههههههههههههههههههههههه

حقيقى شكرا يابو صلاح على تلبية الطلب
بس فيه غلطة صغنونة كدا
هو بيقول
لك قلب حيترد عليه
مش
لك قلبي حيترد عليه
بس حقيقى شكرااااااااااا

ماعلش يابو صلاح ممكن كلمات تترات مسلسل أرابيسك؟
برجاء السرعة ..... بجد الكلمات لذيذة جدًا بس فيها حاجات كدا مش واضحة

اتفضل ياباش مهندس كلمات المقدمة :

وقريب جدا كلمات النهاية

و ينفِلِت من بين إيدينا الزمان

كإنه سَحبة قوس في أوتار كمان

و تنفرط الايام عود كهرمان

يتفرفط النور و الحنان و الأمان

و ينفلت من بين إيدينا الزمان

-------------------

الشر شرق و غرب داخل في حوشنا

حوشوه لريح شاردة تقشقش عشوشنا

حوشوا شرارة تطيش تشقق عروشنا

و تغشنا المرايات تشوش وشوشنا

و تهيل تراب ع الهالة و الهيلمان

------------
و ينفِلِت من بين إيدينا الزمان

كإنه سَحبة قوس في أوتار كمان

و ينفِلِت من بين إيدينا الزمان

------------------------------

الغش طرطش رش ع الوش بوية

ما درتش مين بلياتشو أو مين رزين

شاب الزمان و شقيت .. مش شكل أبويا

شاهت وشوشنا تهنا بين شين و زين

ولسه ياما و ياما حنشوف كمان

------------
و ينفِلِت من بين إيدينا الزمان

كإنه سَحبة قوس في أوتار كمان

و ينفِلِت من بين إيدينا الزمان

مشكووووووووووووووووووور يابو صلاح
و فى انتظار التكملة
بس يا ريت التأخير فى الرد دا مايحصلش تانى
فاهمنى طبعا clapping