حتصحى يعني حتصحى

حاطين المنبه جنبنا
يرن المنبه

نطفيه وننام تانى

تعالوا بقى نشوف شوية منبهات

حتصحيك يعنى حتصحيك

1.منبه فى بازل

ده بقى اول ما يرن يتفك الطبق زى الصورة كده
ومش حيبطل رن الا لما تجمع الاربع اجزاء مع بعض
وتحطهم فى مكانهم

2.المنبه لسانه طويل

المنبه ده ممكن تساله الساعة كام يرد عليك
بس لو ما صحتش ووقفته حيبتدى يطول لسانه عليك ويلعنك عشان كسلان
وده بتوقفه عن طريق انك تمسكه من رقبته

3.المنبه بوليسي

المنبه ده فيه فيبراشيين عالى اوى
ونور بيلف زى سرينة البوليس بالظبط
ورينى حتعرف تنام ازاى وفى كبسة

4.المنبه ب 100 زرار

المنبه ده بقى تطفيه من الزرار بتاعه اللى هو واحد من كل الاجزاء البارزة دى
إقعد دور بقى وشوف فين الزرار

5.المنبه الدجاج

ده بقى دمه خفيف أوى
كل ما يرن المنبه يبيض بيضة
ومش حيبطل رن الا لما تحط البيض كله فى السلة

6.المنبه القائد

ده منبه تقليدى نوعا ما
حتصحى على صوت الراجل اللى فى الصورة ده وهو بيزعقلك
زى باباك يعنى

7.المنبه الطائر

ده بقى اول ما يرن حتلاقيه بيطير فى الاودة
ومش حيقف الا لما تجرى وراه وتمسكه طبعا

8.المنبه القنبلة

ده رقيق جدا حيصحيك على صوت قنبلة بتنفجر
بس ابقى بلغ جيرانك بالموضوع ده

9.المنبه الهارب

ده بقى اول ما يرن حيقع على الارض
ويدور على اى حته يستخبى فيها
ودور انت بقى

وفى الأخر نستفيد

إن مافيش أحسن من إن الواحد مامته تصحيه

[

ههههههههههههههه

والله موضوع دمه خفيف اوى يا حمادة

وعندك حق داحنا كده فى نعيم مالها الست الوالدة

هههههههههههههه

و الله يا حمادة انا بصحى على صوت الموبايل عادى
آى نعم بعد معاناة ... و آى نعم بدل ما اصحى الساعة 7 بصحى 8 إلا تلت .. لكن بصحى برضه

ههههههههه

موضوع رائع ودمه خفيف وفعلا يساعدك انك تفوق
انا كنت هضيع امبارح والنهارده بسبب النوم والله
اظبط المنبه واصحى بعده بساعتين

هههههههههههههههههههههههه
هو فعلا ربنا يخلي الحاجة
تسلم ايدك يا باشا
ومنتظرين المزيد

:evil:
يا عم انت وهو احمدو ربنا انكو بتصحو
والنبى انا لو مين يا ابا محد يعرف يصحينى
اللى يجي يصحينى يكون عارف مصيره حاجه من الاتنين يا شتيمه يا ضرب بأى حاجه جنبى
هع هع هع
وسع يا جدع
شكرا يا عم ع الموضوع الخفيف دا
الا صحيح يا lovelycat انتى و كونت يعنى ايه موضوع دمه خفيف
انتو شفتو دمه ازاى :twisted: