الملحن (والمطرب) الاسطورة عمار الشريعى

سلام عليكم
اكيد كلكم تسمعوا عن الملحن الاسطورة عمار الشريعى
ولكن مش كلكم يعرف انّه بيغنى .. صح؟
عامة الراجل ده بجد اسطورة
وكلكم هيعجبكم غناه قوى
وبالمناسبة كان في مسلسل ريا وسكينة رباعيات بتتقال ف النص كده
هو اللى كان بيغنيها
وعلى فكرة برده انا بدوّر على الرباعيات دى وللاسف مش لاقى منها غير اتنين
انا جبت لكم كل اللى عندى من اغانى عمار الشريعى:

**رباعيتين من مسلسل ريا وسكينة بعنوان (عينى و تانى)

**اغنية البرئ من الفيلم الممنوع من العرض البرئ
وكلمات الاغنية دى ...........

الدم اللى ف ايديّا بالليل ينده عليّا
ويقول لى قتلت مين؟!

قول لى يا انسان تفرّق السجّان ازاى
من السجين؟!

قلبى اللى كان برئ زى الطير الطليق
ازاى ضلت عيونه لمّا شاف الطريق؟!

آه يا عيون بريئة بنبدّل الحقيقة
ومين قلب المعانى قدّام عينى ف دقيقة؟!

**اغنية يا قبضتى من الفيلم الممنوع من العرض البرئ
وكلمات الاغنية دى ...........

ياقبضتى دقّى على الجدار
لحد ليلنا ما يتولد له نهار

يا قبضتى دقّى على الحجر
لحد ما نصحّى جميع البشر

لحد ما تتفسر الاسرار

مش فاهم اللى حاصل لكن لقلبى واصل
واللى مش فاهمه عقلى بتشرحه السلاسل

يا قلوب بتنزف دم فى العتمة ياقلوب بتنزف دم وتغنى
سجنوكى وجم يسجنوا الكلمة والكلمة غصب عنها وعنى

طلعت من القضبان و م الاسوار

**اغنية نفسى وهى للشريعى (مع فريق الاصدقاء والذى كان من اعضائه عمار الشريعى)
ومن كلمات الاغنية دى ...........

نفسى انا اصرخ بحس عالى
على شمسنا واقول لها تعالى

خدى همنا وخدى يأسنا
ودوّبى خيالى
وهاتى لنا بكره الحلم من أمسنا

حمل الآن

ويا ريت لو حد لقى له أى حاجة يجيبهالنا

مشكووووووووور جدا ياباش مهندس

فعلا أسطورة

شكرا يا ابو صلاح على مرورك الكريم

عدد الرسائل : 7 تاريخ التسجيل : 06/01/2010

شكرا الاغانى اكثر من رائع

على فكرة الرباعيات دى هى السبب فى اشتراكى فى المنتدى