طعم البيوت

موضوع: طعم البيوت السبت 22 نوفمبر 2008, 12:48 pm

طعم الحاجات .. بيعيش ساعات
و يدوب قوام .. و قوام يفوت ..
جوّا القلوب .. و الذكريات
ما يعيشّى غير .. طعم البيوت

جدران بتحضن جوّا منها قلوب كتيــر
و ابواب بتقفل ع الجنياينى و ع الوزير
شبّاك موارب .. من وراه واقفة الصبايا
قضّوا النهار فى الوقفة قدّام المراية
أسرار كتير .. عدد البيوت ..
فى الشارع الطيب يا ناس ..
ما يبانش منها غير اللى يطلع منّه صوت

طعم الحاجــات .. بيعيش ساعات
و يدوب قوام .. و قوام يفوت ..
جوّا القلوب .. و الذكريات
ما يعيشّى غير .. طعم البيوت
طعم الحاجــات ..

اللمة لمّا تحلى فى ساعة العصارى
تفتح مزاد ع الحب تلقى الف شارى
شاهد بيفضل م البداية للنهاية
و كل ركن ف قلبه يحكى لك حكاية
و كفاية لما بتلاقيه .. فاتح دراعه و بيناديك
و يقول تعالى ف حضنى دانت واحشنى موت

طعم الحاجــات ..... بيعيش ساعات
...... و قوام يفوت .....
جوّا القلوب .. و الذكريات
ما يعيشّى غير .. طعم البيوت

طعم الحاجــات .. بيعيش ساعات
و يدوب قوام .. و قوام يفوت ..
جوّا القلوب .. و الذكريات
ما يعيشّى غير .. طعم البيوت

طعم الحاجــات .. بيعيش ساعات
و يدوب قوام .. و قوام يفوت ..
جوّا القلوب .. و الذكريات
ما يعيشّى غير .. طعم البيوت ..

كلمات : نصر الدين ناجي
الحان : احمد فرحات
توزيع : اسامة الهندي
غناء الملك .. محمد منير